Zombis e baseball
14 Xuño 2006
As primeira imaxes de Battlefield Baseball (a.k.a. Battlefield Stadium) son un resumo do que imos ver neste filme xaponés: baseball, explosións e zombis.
Inda que despois de botarlle un ollo ó trailer poida semellar que estamos diante da versión en baseball de Shaolin Soccer, nada máis alonxado da realidade.
Facer unha comedia pode parecer unha cousa sinxela, pero non chega con misturar zombis, baseball e humor desquiciado de calquera maneira. E Battlefield Stadium faia en xunta-los ingredientes.
Que de que vai? Pois dun equipo xaponés de baseball de instituto, un xogador estrela cun tiro tan forte que pode matar, un equipo de zombis malos malosos, pero uns peores que outros, todos morren, todos resucitan, os malos únense ós bos para vencer ós peores e todo regado con situacións ridículas, disfraces, cancións, flashbacks lacrimóxenos e xaponeses facendo caras.
Vamos, que a peli é mala. E recordade que non me disgustou de todo Vulcano High School.
Ifrit
Crítica de Battlefield Stadium Battlefield Baseball Jigoku kôshien
18 Xuño 2006 ás 2:54 pm
Dios!!!! Non sei de onde sacades semellantes cousas
Cando menos facedes sempre unha exibición de estómago audiovisual que deixa pampo a calquera.
18 Xuño 2006 ás 4:31 pm
E non sabes ti ata que punto
26 Xuño 2006 ás 2:03 pm
Pobriños, entre esto e a decepción de Fearless debedes de estar todos a pasar unha mala racha
Por certo que para satisfacción de tódolos frikis xa debe quedar pouco para a estrea de “Scanner Darkly” e de momento o trailer impresiona.
27 Xuño 2006 ás 9:45 am
Pois parece que inda non hai data de estrea para A Scanner Darkly no Imperio Pequeno… Haberá que seguir agardando…
E a ver se nos próximos visionados temos máis sorte