Vai de tráilers!
5 Agosto 2007Para comezar a semana nada como unha boa selección de tráilers para tódo-los gustos.
Angelina Jolie cunha trenza? A terceira parte de Tomb Raider?! Non, tranquilos. É o póster promocional de Beowulf, unha nova revisión do mito nórdico.
E que queredes que vos diga, visto o tráiler non é que me emocione. Nin sequera tendo no reparto á propia Angelina (nai de Grendel), a Anthony Hopkins (rei Hrothgar), Crispin Glover (Grendel), John Malkovich (Unferth)… ou a Neil Gaiman e Roger Avary nos guións ou a Robert Zemmeckis na dirección (será isto o que me mete medo?)
Preguemos para que non sexa tan infame como o Beowulf de Christopher Lambert; pero coido que está mellor, inda que a temos pendente de ver, a versión islandesa, Beowulf & Grendel.
Teremos que agardar ata o 30 de novembro para sair de dúbidas.
Golpes, patadas, puñadas, xeonllazos, piruetas imposibeis, stunts mortos a ducias, efectos especiais a esgalla… Queredes saber máis? Pois é do outro loitador tailandés esperanza dos filmes de artes marciais, Dan Chupong (de Nacido para loitar) e as coreografías de Panna Rittikrai (Ong Bak). Ah! pero que queredes saber de que vai? (seguro?) Pois vai dun campesiño ó que lle arrasan a vila e vai buscar vinganza buscando ó lider dos malos malosos, pero entón descubre que o malo non é humano e a única maneira de vencelo é (seguro que queredes sabelo?) con sangue de regla de moza virxe.
Todo isto teríamolo aforrado se virades o tráiler de Dynamite Warrior.
01-18-08 este é o nome pouco clarificador dun dos novos proxectos de J. J. Abrams, creador de Perdidos (o proxecto tamén recibe os nomes de Cloverfield ou The Parasyte [será isto?]). Os rumores en internet non deixan de medrar:
- unha nova versión americana de Godzilla (o último Gozdilla xaponés é do 2004 e chamouse Godzilla: Final Wars),
- o remake americano de The Host,
- algo relacionado con A guerra dos mundos (no 2005 xa puidemos unha versión realizada por Steven Spielberg e xa está preparando unha de Cando dous mundos chocan),
- unha versión dun relato de H. P. Lovecraft (este ano celebramos o 70º aniversario do seu pasamento e do que máis se fala é do proxecto futuro de Guillermo del Toro de Nas montañas da loucura. E este ano xa se estrearon The tomb, baseado nun relato seu, e In search of Lovecraft, onde os mitos e horrores dos seus contos fanse realidade),
- o final da serie Perdidos (de momento emitiron tres tempadas e como mínimo hai unha cuarta programada)
- ou o filme de imaxe real de Neon Genesis Evangelion (proxecto do que se leva falando bastante tempo, no que están traballando as xentes de Weta Workshop e con estrea prevista para o 2009)
- A miña opinión é que é algo novo, con monstro xigante e de ser un remake dalgo aposto por Gamera (por que non?)
- Vede o tráiler e opinade por vós mesmos.
- Outros proxectos futuros de J. J. Abrams son: un drama sobre enfermos de cáncer para a HBO baseado nun libro, Star Trek XI (con Zachary Quinto e Leonard Nimoy facendo de Spock) e un biopic de Hunter Scott.
Vía: chuza! e Xeración Web
6 Agosto 2007 ás 1:02 pm
moi boa selección. Que saia angelina joli nunha pelicula non é sinonimo de que este ben, se non vasta ollar tomb raider
saudos
6 Agosto 2007 ás 8:11 pm
A min as dúas películas de Tomb Raider non me pareceron tan malas, tendo en conta que falamos dunha adaptación dun videoxogo. E está claro que serían peores, ou gustariamos menos delas, se non estivese Angelina Jolie nelas
21 Agosto 2007 ás 8:08 am
Ala, resucitou Cinemafriki. Por certo, distracción imperdonable: non che tiña linkeado. Vémonos!!