"Só leo este blogue para saber o que non teño que ver", Martin Pawley (días estranhos)

Archives for Novembro, 2008

Heroes. Terceira tempada

Heroes 3

Heroes, a terceira tempada, eses capítulos todos… xuntos son probablemente o jump the shark máis grande de toda a historia da TV.

As proporcións de tódolos desvaríos que están metidos coma sardiñas en lata dentro da metraxe proxectada…

O certo é que non teño del todo claro cal é o spin desta tempada. Pode que cunha rotación de 630º rematemos outra vez nunha liña argumental sólida, logo de pasar por tódolos estados posibles da materia, plasma incluido, e de visitar algúns dos imposibles.

E que non saio
do meu abraio
(con pareado e todo).

<Air Jordan

¿Lembrades o comentado anuncio de Air Jordan facendo un mate incrible? Que de tan incrible que era, non era; feito cun apoio intermedio para dar dous pasos no aire, en vez dun, eliminado logo da imaxe. Pois nisto Heroes é moito mellor, que todo avanza: son capaces de dar non un nin dous nin tres pasos senon ∞+1 no tempo do jump antes de face-lo mate. Non hai verbas nin prosa nin poesía nin ciencia capaces de describilo. É unha desas experiencias empíricas personalísimas, de cada un, que ninguén lle pode explicar. Produce un remexido de sensacións demasiado complicado como para ser reproducido artificialmente. E o máis bonito é que non rematas de crelo logo de sufrilo. (Porque, máis que calquera outra cousa, se sofre).

Pretendo non máis que apoiar dende aquí o ruxe ruxe que hai na Rede sobre este tema en concreto. [Ton de campaña electoral] Porque é necesario.

Don Vitto

JCVD

A quen non lle gusta unha peli de Jean-Claude Van Damme de vez en cando? (Os que digan que non que vaian desfilando…)

JCVD é un filme no que o propio Van Damme interprétase a si mesmo representando a súa propia vida ficticia. Mais a pregunta que vos estades facendo é «pega o ‘ventilador belga’ as súas famosas patadas?» E a resposta é: «pois claro que si!»

Segue lendo en GZnación [+]

La Buena Nueva

Non o ides crer! O outro día fun ver un filme español da Guerra Civil! Sorprendidos, eh?

Segue lendo en GZnación [+]

Máis que recomendacións son as que eu vou ver, a ver se coincidimos.

Segue lendo en GZNación [+]

Nun mundo no que Luís Tosar non é un contrabandista colombiano de corenta anos, senon un dandi de trinta e tres que vive coa súa nai, todo pode pasar. E de aí para diante.

Segue lendo en GZnación [+]

ifrit en Cineuropa

ifrit

Non é que sexa a primeira vez que vou ir ó festival Cineuropa, mais este ano vai ser un pouco máis intenso gracias á xente de GZNación que me acreditaron para que escriba no xornal.

E aquí vai o meu primeiro escrito:

Nin presentacións nin nada. Vou comezar cun aviso. Eu vexo todo tipo de cinema, máis do que máis gusto é do cinema de xénero e máis concretamente daquel máis extremo (sexa as que sexan as fronteiras). Así que se non coincidimos en gustos non te preocupes, isto só son opinións e seguramente esteas equivocado.

O resto en GZNación… [+]

Vémonos nas salas! Non deixedes de comentar!

O outono é o tempo do cinema en Compostela. Curtocircuito, Amal e Cineuropa. Tres festivais que cos anos van gañando experiencia e calidade ofrecen ó público da cidade e arredores unha extensa oferta de cinema do máis variado.

curtocircuito 2008

Fai dúas semanas remataba o V Festival de Curtametraxes de Santiago de Compostela, Curtocircuito 2008 e estes foron os gañadores:

O festival segue medrando e este ano ofrecéronos máis filmes que nunca e varias actividades paralelas (un mercado audiovisual, cursiños, etc.) afianzándose inda máis como un referente no mundo das curtametraxes.

A gala de clausura e entrega de premios estivo ben. Como as boas curtametraxes tivo a duración xusta, unha boa banda sonora da man de coñecidos músicos da cidade (Quim Farinhas, etc.) e foi presentada/animada pola xente de Pistacatro. Ademáis puidemos ver a montaxe final do gañador do Premio Compostela Plató, A Princesa Alegría, un conto sobre a ledicia e a tristura, o mundo dos soños e as vidas perdidas, nunha combinación de imaxen real e animación ó máis puro estilo libro de contos infantil. Quizais demasiadas ideas en tan pouco tempo, haberá que ver máis cousas deste rapaz e a súa xente. E para rematar pinchos e música non Rúa Vella. Eu fun, comín rápido e correndo ó concerto de Nacho Vegas e Christina Rosenvinge na Sala Capitol. Todo moi rico.

Amal 2008

E sen tempo para coller folgos chegou o Euroarab Film Festival, Amal 2008 outro festival pequeno que segue medrando e sendo referencia no seu eido. Documentais, curtametraxes e filmes chegados dende todos os puntos do mundo árabe e as súas sucursais noutros paises que se complementan tamén con actividades paralelas coma cursos ou degustacións.
Aquí vos queda o palmarés:

  • Premio á mellor longametraxe: Waiting for Pasolini de Daoud Aoulad Syad
  • Premio ó mellor documental: A Jihad for Love de Parvez Sharma
  • Premio ó mellor director: Alain Gomis por Andalucía
  • Premio á mellor curtametraxe documental: Borderlands de Sawsan Darwaza
  • Premio á mellor actriz: Elvira de Armiñan por Bajo el mismo cielo
  • Premio ó mellor actor: Samir Guesmi por Andalucía
  • Premio TVG: La Maison Jaune de Amor Hakkar
  • Premio especial do público: La caravana del manuscrito Andalusí de Lidia Peralta García

Eu puiden ver tres filmes e comprobar a distinta forma que temos de ver o mundo nalgúns aspectos, inda que só sexa na velocidade do tempo. Vin Ahlaam de Mohamed Al-Daradji, unha crúa historia na que a vida de tres personaxes crúzanse dende a I Guerra do Golfo ata o comezo da II Guerra do Golfo nun psiquiátrico. Un drama sen miramentos que nos achega ó que foi algún día Iraq e nos deixa sen fala co sen sentido da guerra. Tamén vin a premiada por dúas veces Andalucía, que conta a historia de Yacine, un mozo francés de orixe magrebí que vai pola vida facendo as cousas á súa maneira e buscándose a si mesmo e ás súas raices. Un filme cheo de surrealismo e mistura de vitalismo e pesimismo cun ritmo peculiar. E para rematar vin a tamén premiada La Maison Jaune, un calmado relato de dor, amor, ilusión, esperanza, ledicia, familia e morte. Seguramente estea equivocado e inda que gustei dalgunhas cousas destes filmes sempre me queda a idea que nestes paises sempre se fai o mesmo tipo de cinema. Para cando en Amal unha como Hell’s Ground?

Cineuropa 2008

E mañá mesmo comeza a XXII edición de Cineuropa! Un mes enteiro vendo cinema! E perdoade que non vos conte máis pero xa sabedes que o programa sempre sae a última hora e inda o estou a ler. Pero podedes as miñas opinións nas colaboracións que irei escribindo durante o festival no xornal GZNación.

Vémonos nas salas!

* Búscanse colaboradores para O blog non-oficial de Cineuropa. Contactar polas canles de costume.

 

About Author

CINEMA FRIKI é un blogue de novas e de opinión sobre o cinema que máis nos gusta. Aventuras, acción, fantástico, ciencia ficción, terror, medo, ultraviolencia, de chineses, HK, anime, serie B, serie Z, clásicos, series e moito máis teñen sitio neste recuncho da internet que levamos facendo interrumpidamente dende 2005. CINEMA FRIKI fai parte da rede de blogues Vencello.