"Só leo este blogue para saber o que non teño que ver", Martin Pawley (días estranhos)

Archives for Abril, 2009

10 filmes zombis que marcaron a miña non-vida (VII)

Braindead

Braindead

Braindead

Braindead (idem, 1992, Peter Jackson)

Un dos primeiros filmes de Peter Jackson, despois [director] doutros títulos coma Bad Taste. O título en castelán é, por así decilo, algo rebuscado Tu madre se ha comido a mi perro mais nel pódese ver o ton de “guasa” que ten o filme.

Un momento para recordar: Só darei tres pistas: festa zombi, unha cortadora de céspede e un home namorado.

A Raiña dos Mortos

Braindead

Megan Fox coma Hulka

Mega Fox

Que van facer un filme de Hulka? Protagonizado por Megan Fox? Mulleres supermusculadas rollo Gladiadores Americanos? Non é que nos chiste moito, mais inda non puxeramos ningunha foto doutra das nosas musas.

Vía: CinemaBlend

Tráiler de Antichrist

Antichrist

Xa podemos ver un primeiro tráiler de Antichrist, o novo filme de Lars Von Trier, que desta volta se adentra no terror que vén da natureza.

William Dafoe e Charlotte Gainsburg interpretan a unha parella que atravesa momentos difíciles e que deciden ir a unha cabana no medio dun paradiso perdido para intentar superalos. Craso erro… a natureza non é tan bonita nin tan amábel como a pintan eses malditos hippies ecoloxistas…

Vía: CinemaBlend

Tráiler de Thirst

Thirst

Xa podedes ver aquí un novo tráiler de Thirst, o filme de vampiros de Park Chan Wook.

Plot Summary: Sang-hyun, a small town beloved and admired priest who serves devotedly at a hospital, volunteers for the new infectious disease, F.I.V.’s, vaccine development experiment and goes to Africa. The experiment fails and Sang-hyun gets infected by F.I.V. but he ends up being miraculously cured and returns home. News of Sang-hyun’s cure from F.I.V. spreads and people start believing he has the gift of healing and flock to receive his blessing. From those who come to him, Sang-hyun meets a childhood friend named Kang-woo and his wife Tae-ju. Sang-hyun is immediately drawn to Tae-ju. One day, Sang-hyun coughs up blood, dies, and comes back to life the next day as a vampire. Tae-ju is strangely drawn to Sang-hyun, turned vampire, and they have a secret love affair. Sang-hyun asks Tae-ju to run away with him but she turns him down. Instead, they plot to murder Kang-woo…

Vía: ShockTillYouDrop

Que foi do Tyrannosaurus Rex de Rob Zombie?

<Tyrannosaurus Rex

Durante unha tempada do ano pasado Rob Zombie sacou varias mostras de arte conceptual da que sería o seu próximo filme, Tyrannosaurus Rex, mais de repente deixóuse de falar do tema e Zombie comezou a traballar en H2 a secuela do seu Halloween. Agora semella que outro estudio llo tirou das mans.

Tyrannosaurus Rex sería un filme de acción de estilo setenteiro sobre un boxeador de pelexas dos baixos fondos.

En Bloody Disgusting tamén dicían que o filme estaría “inspirado” na banda deseñada The Nail, o que parece ser bastante certo.

Vía: ShockTillYouDrop

The Phantom

Aquí podedes ver un par de imaxes da arte conceptual do novo filme de The Phantom que está preparando a canle Sci Fi.

Sci Fi fai unha adaptación ós novos tempos do heroe da banda deseñada, en troques da adaptación máis fiel que interpretou en 1996 Billy Zane.

Vía: Superhero Hype!

Novas relacionadas: The Phantom, da banda deseñada ó cinema gracias á canle Sci Fi

Furia de titáns

A este ritmo van quedar poucos filmes por refacer (para cando un remake de As uvas da ira por Michale Bay?). E non digo que non vaia quedar ben e molón, mais facer un remake con CGI deste clásico é un dobre insulto, o orixinal de 1981 era fillo do seu tempo e ademáis tiña algúns dos máis memorabeis efectos en stop-motion do mestre Ray Harryhaussen.

Alomenos o están facendo con coidado e tempo. O proxecto leva en marcha dende 2006, cando un descoñecido Travis Beachman comezou a escribir un bosquexo do borrador que reescribiría o oscarizado Lawrence Kasdan. San Raimi e Robert Rodríguez rexeitaron dirixilo, e Stephen Norrington foi substituido finalmente por Louis Leterrier. E agora ó nome de Sam Worthington no papel de Perseo únense Liam Neeson (Zeus) e Ralph Finnes (Hades).

Hai que recordar de que vai todo isto? Perseo, fillo de Zeus e unha humana, enfréntase a innumerabeis obstáculos para salvar á súa namorada Andrómeda, que foi enfeitizada polo deforme Calibos, fillo tamén dunha deusa do Olimpo. Na súa viaxe deberá enfrentarse a criaturas mitolóxicas como Medusa, Cancerbeiro ou o temíbel Kraken, ó tempo que doma ó mesmísimo Pegaso.

Por se inda non sabedes de que estamos a falar aquí tedes o tráiler do clásico orixinal.

Vía: KillerMovies

En The Expendables están todos!

the expendables

Seguro que xa estades todos ó tanto deste proxecto, mais nunca está de máis darlle un repaso.

The Expendables (Os prescindibeis) é o novo proxecto de Sylvester Stallone, animado polo inesperado éxito das últimas entregas de Rocky e máis Rambo. A historia é ben sinxela e manida, un grupo de mercenarios ten como misión derrocar a un dictador en Sudamérica. Mais o que nos atrae do proxecto non é o argumento, ninsiquera que estea dirixido por Stgallone, senon o seu incríbel elenco, actores que fixeron de nós parte dos homes que agora somos: Jason Statham, Eric Roberts, Mickey Rourke, Jet Li, Dolph Lundgren, Danny Trejo e Arnold Schwarzenegger (si!!); acompañados dos menos coñecidos Randy Couture, David Zayas, Gary Daniels ou Terry Crews; ou das actrices Charisma Carpenter, Brittany Murphy ou Giselle Itié. E disque Jean-Claude Van Damme dixo non, imperdoábel!!

A estrea está prevista para o 23 de abril do 2010. Só queda un ano!

Vía: KillerMovies

A banda deseñada The Umbrella Academy á pantalla grande

The Umbrella Academy

The Umbrella Academy (A Academia Paraugas) é un grupo de superheroes que se xuntan que se xuntan despois da morte do seu pai adoptivo, Sir Reginald Hardgreeves, un alieníxena disfrazado de empresario rico. Recollidos xusto despois do seu nacemento foron entrenados para salvar o mundo. Trala morte do seu padrastro seguirán co seu plan. Este é o argumento da banda deseñada escrita por Gerard Way (cantante de My Chemical Romance) e debuxada por Gabrile Bá, que está sendo adaptada ó cinema por Mark Bomback.

A estrea está proxectada para o 2012.

Vía: KillerMovies

Full Metal Panic

Adaptacións de manga ó cinema? Non, gracias. Nunca nada bo saiu desa unión.

Desta volta é a modesta Mandalay Pictures a que intenta probar sorte cun dos últimos éxitos editoriais xaponeses, Full Metal Panic.

Full Metal Panic (Furumetaru Panikku!) é unha serie manga escrita por Shoji Gatoh e dibuxada por Shikii Douji para a revista Monthly Dragon Magazine. FMP cóntanos a historia Sousuke Sagara (disque podería estar interpretado por Zac Efron), un mercenario dunha unidade anti-terrorista que ten como misión coidar a Kaname Chidori, unha estudante de instituto con poderes psíquicos. O lío xa está montado. Acción, líos de instituto, poliedros amorosos, armaduras de combate, minisaias…

Vía: KillerMovies e Superhero Hype!

Zombie 2
Zombie 2
Zombie 2

Nova York baixo o terror dos zombis (Zombie 2, 1979, Lucio Fulci)

Este filme de Lucio Fulci é outro dos clásico do xénero, e o seu nome [na versión en castelán] débese ó final da mesma. É a máis gore de todas e non apta para todos os estómagos.

Escenas para o recordo: a loita encarnizada entre un grande branco (o que vén sendo un tabeirón) e un zombi nas augas do Caribe. Simplemente impagábel.

A Raiña dos Mortos

Zombie 2

We watched Watchmen!

E chegou o día. Unha das estreas máis agardadas dos últimos tempos, a adaptación a pantalla grande do Quijote da banda deseñada. A verdade é que xa lle collemos un pouco de medo a isto das adaptacións de banda deseñada e intentamos non facernos moitas ilusións, mais o Watchmen de Zack Snyder está a altura da versión orixinal, e moito.

Intentar contar aquí de que vai Watchmen e todas as súas bondades, innovacións e excelencias dentro do mundo da banda deseñada e niso que se deu en chamar novela gráfica coido que sería excesivo para o que neste bló se pretende, por iso voume limitar á versión cinematográfica e intentar transmitir o moito que disfrutamos.

Ó igual que a banda deseñada de Moore e Gibbons, o filme de Snyder pódese disfrutar a moitos niveis e inda que o visionado deste dura moito menos que a lectura de aquela soubo facer unha escolma dos mellores momentos e dos mellores argumentos que fixeron de Watchmen unha das obras mestras da novena arte. Unha ambientación xenial (tanto histórica como de momentos), un casting de actores de luxo, un deseño de vestiario e de complementos actualizado e ó mesmo tempo tan fiel ó orixinal que pasa desapercibido…
Zack Snyder é un auténtico siareiro disto da banda deseñada e por iso respecta e fai súa (e non ó revés) cada unha das obras ás que se achega. O director glosa de maneira sublime unha obra rica en detalles como poucas sen deixalos de lado ó mesmo tempo que ten que ter en conta que ten unha metraxe limitada. Os mellores momentos da banda desañada, cos que más disfrutamos, e ó mesmo tempo eses pequenos detalles, esas chiscadelas coas que sorrimos ó descubrilas, están no filme, perfectamente integrados e sen deixar de ser iso, un filme. Todos temos na mente que Zack Snyder antes de todo isto adicábase a facer videos musicais e por iso dalle tanta importancia á posta escena e ó impacto visual, mais non dunha maneira baleira, senon que todas as súas imaxes teñen uns bos vimbios por detrás. Porque se alguén cre que isto só é un exercicio visual, e a banda deseñada só cuadriños coloreados, avisar que en Watchmen, en todos eses niveis dos que falabamos antes, fala de moitos dos temas que preocupan ó ser humano dende o principio dos tempos, dende o máis persoal ó máis mundial e universal. Porque non debemos esquecer que estamos falando dun grupo de homes e mulleres que se disfrazan, sen moito gusto, para loitar pola xustiza.

Podería estar aquí falando tempo e tempo, porque disfrutei moito (e espero disfrutar máis as próximas veces que a vexa), mais prefiro falar nos comentarios e ver máis opinións.

E recordade que esta versión non queda só nunha película, senon que a rede está inzada de material promocional que a complementa, dende webs, contas de twitter, de flickr, con imaxes, anuncios, xornais, webisodios, a versión animada de Tales of the Black Freighter, etc. etc.

ifrit

O Comediante
Esperando por un remake mellor…

Por algunha estraña razón nunca dou coincidido con ifrit no referente a filmes que parten coa pretensión de poder convertirse en filmes de culto. Este é o caso de Watchmen, a adaptación cinematográfica do tebeo do mesmo nome e o maior bodrio das pelis-comic desde que o estafador de Shyamalan fixera aquela porquería que se chamaba O Protexido.

O problema, que xa deixou de ser problema para convertirse en epidemia, segue a ser o de sempre: O GUIÓN. Nesta ocasión, que non sei se lles tocaría a folga de guionistas polo medio, son responsables do desastre un tal David Hayter, que ademáis de actor de segunda xa era responsable de guións tan brillantes como o de O Rei Escorpión e X-men e outro tal Alex Tse ó que non se lle coñecía nada. Se a eso lle sumas que o director Zack Snyder non sabe ler, pois o resultado é o que é: unha merda (con perdón para tódalas merdas do mundo por rebaixalas á altura de Watchmen).

E é que así como das por sentado que nunha peli de tropecentosmil millóns de dólares vas atopar unha factura impecable e uns efectos visuais deslumbrantes (Non vas ver bichos de cartón pedra e cousas así), tamén asumes que vas atopar unha historia construída de forma brillante e máis tratándose dunha adaptación da máis importante novela gráfica da historia. Pero todo o contrario. Watchmen é un refrito de tramas sen peso nin sentido que en ningún momento sabes cara onde van. A morte do Comediante, que supostamente é o eixo sobre o que xira a historia, queda diluída entre secuencias mal sintetizadas que non levan a ningures. Os dilemas éticos plantexados no tebeo como se “o fin xustifica ou non os medios” ou os conflictos interiores de personaxes como Rorschach simplemente non aparecen. É a película de alguén que se cargou o texto dunha novela e só acertou a ver os debuxiños.

Buscando unha equivalencia fácil, Watchmen e o mesmo que se colles A Guerra das Galaxias, eliminas a historia de superación persoal de Luke Skywalker e deixas as batalliñas de naves, pois eso: fogos de artificio.

No fondo todo se resume en que pedirlle a Zack Snyder que dirixa unha película é como pedirlle a un pirotécnico que faga unha obra de teatro, pode ser posible pero normalmente é improbable. E se en 300 que era un comic faciliño, Snyder non foi quen de distinguir quenes eran o protagonista e o antagonista da historia, nun libro no que as personaxes se multiplican e as tramas son numerosas e cruzadas, pídelle ti que acerte cal é a historia.

Tendo en conta esto, o filme reducese a calcar as viñetas de forma espectacular, igual que acontecera en 300, e a incrustar cachos recortados do libro pero sen orde nin sentido, para que rematase da mesma forma. A ineptitude á hora de saber seleccionar as tramas apropiadas, e eliminar outras (como debe ser unha adaptación), fai que a peli dure case 3 horas e que se faga lenta e cansina, xa que só chegas a disfrutar as pelexas, explosións e barbaridades varias visualmente moi potentes. O máis rescatable é a personaxe de Rorschach da que chega a adiviñarse un perfil, parecido ó que pasaba con Lobezno en X-Men, pero que non chega a desenvolverse de todo e quedas coa sensación de que a personaxe prometía pero a súa historia vaise esgotando pouco a pouco. Como xa ven sendo habitual aparece tamén o patriotismo ianqui máis chungo que cheo dun maniqueísmo ridículo estorba na recreación dun entorno de guerra fría que é o que dá sentido á novela.

Resumindo: Peli para baixarse o screener no Transmisión ou no Emule sempre que estexas moi desesperado por vela.

Pd: O guionista David Hayter pediulle ós fans que volveran a ver o filme por segunda vez porque a taquilla non os estaba a acompañar. Non te toca o carallo!!!!! O que tiñan que facer os fans era denunciarte!!!!

Fagot

Le tamén as opinións de: Nacho Vigalondo, Psicopanadero, E. Martín, David Muñoz, Buchinsky, Xabibenputa, Álvaro Pons, Edu, Rafa Marín, Uruloki, Kraken17, DVD ou absence. E máis en Twitter.

 

About Author

Lorem ipsum dolor sit amet, consectetuer adipiscing elit. Vestibulum at arcu. Integer et risus. Morbi id tellus. Integer felis. Mauris malesuada, turpis vitae facilisis euismod, dui arcu adipiscing sem, eu vulputate leo ante in lacus. Sed porta accumsan lectus. Aenean ac sem. In consequat tempus velit. Phasellus leo enim, adipiscing a, egestas nec, pretium ut, pede. Mauris sollicitudin diam et mauris. Sed quis enim vel augue egestas lobortis. Etiam tempus ipsum vel neque.