"Só leo este blogue para saber o que non teño que ver", Martin Pawley (días estranhos)

Actores e actricesArchives for category

Ian McKellen vs. Harrison Ford. Guerra de camisolas

Xa nos gustaría a cada un de nos poder levar unha camisola destas…

Despois de meses de especulacións, finalmente confirmouse que Javier Bardem protagonizará ao malo-malísimo da próxima película da franquicia James Bond. Durante unha entrevista na televisión, o actor dixo que estaba excitado polo papel. “Os meus pais levábanme a ver as películas e vinas todas. Será emocionante poder participar nunha película“. O actor non deu detalles sobre a próxima película nin sobre o seu personaxe.

Esta noticia únese á elección de Berenice Marlohe como chica Bond, que vos anunciamos hai uns días.

Vía: insidemovies.ew.com

Despois de que hai uns días falasemos sobre a posibilidade de que esta fose a última tempada da familia Simpson, hoxe anunciouse o acordo entre os actores e a FOX. Os seis actores principais aceptaron os recortes propostos pola canle e asinaron un contrato por dúas tempadas máis.

En palabras do señor Burns: excelente.

Vía: uk.eonline.com

A nova tempada de Dexter comezou cun rotundo éxito con 2.2 milllóns de espectadores. Estos datos confirman a serie da Showtime coma un dos mellores dramas da televisión actual. Pero o drama traspasa as barreiras da ficción e chega á realidade. Hoxe saltaron os rumores de que Michael C. Hall, protagonista da serie, deixaría a serie despois de non chegar a un acordo coa cadea para renovar o seu contrato unha sétima tempada.

As negociacións coa cadea alongáronse nos últimos días ata chegar ao punto de romperse. Os rumores cifran en catro millóns de dólares a diferencia que separa aos dous lados do acordo: a Showtime ofrécelle ao actor 20 millóns de euros por dúas tempadas, mentres que o actor pide 24. O actor acadou a fama despois do seu papel en Six Feet Under, convertíndose nun dos actores con salario máis alto da televisión por cable.

Vía: deadline.com

O 2 de outubro comezou a sexta tempada de Dexter. Dexter Temporada 6: O passageiro escuro retorna é o artigo de Fer sobre o que podemos agardar da serie.

Agora que xa sabemos que non vai haber cambios no actor que interpreta a James Bond o ruxe-ruxe é arredor das súas compañeiras femininas e dos viláns.

A primeira en candidatarse é a actriz e modelo Berenice Marlohe e Javier Bardem e Ralph Finnes xa están confirmados, inda que sen papel anunciado.

O filme número 23 da saga James Bond (o cuarto protagonizado por Daniel Craig) estará dirixido por Sam Mendes e estrearase o 9 de novembro nos EUA.

Vía: Uruloki.org

Na ceremonia número 63 dos Emmy Awards, a serie de comedia Modern Family triunfou acadando os cinco premios aos que optaba, entre eles mellor serie e mellor guión de comedia. Por outra parte, Mad Men impúxose a series coma Boardwalk Empire e Dexter, como mellor serie dramática.

Steven Levitan, produtor de Modern Family, recollendo o galardón a mellor serie de comedia.

Outra das sorpresas da noite foi o recoñecemento de Jim Parsons (Sheldon Cooper en The Big Bang Theory) coma mellor actor de comedia (recordemos que a última tempada desta serie non foi a mellor no referente á calidade). Steve Carell (nominado polo papel de Michael Scott en The Office), que se despedía da oficina de Scranton despois de sete xeniais tempadas, veu como esta ocasión se convertía na súa sexta nominación sen recibir premio. Por outra parte, na categoría de mellor actor en serie dramática, o triunfo de Kyle Chandler (Eric Taylor en Friday Night Lights) sobre outros actores como Steve Buscemi (Nucky Thompson en Boardwalk Empire) e Michael C. Hall (Dexter en Dexter) sorprendeu á maioría de quinielas nas que daban ao Buscemi como o gañador. Na parte feminina, Melissa McCarthy (Molly Flynn en Mike&Molly) levou o Emmy á mellor actriz de comedia por riba de Tina Fey (Liz Lemon en 30 Rock) e Amy Poehler (Leslie Knope en Parks and Recreation). Julianna Margulies (Alicia Florrick en The Good Wife) fíxose do Emmy á mellor actriz en serie dramática.


Jim Parsons recollendo o seu premio a mellor actor de comedia.

As sorpresas volveron a chegar co triunfo de Peter Dinklage (Tyrion Lannister en Game Of Thrones) como mellor actor de reparto en serie dramática, e coa vitoria de mellor dirección en serie dramática para Martin Scorsese polo episodio piloto de Boardwalk Empire (serie da que tamén é produtor executivo). Os premios a mellor de guión foron para Modern Family na categoría de guión de serie de comedia, e Friday Night Lights en guión de serie dramática.

Martin Scorsese agradecendo o seu premio.

Pero non todo foron premios e discursos de aceptación. Coma en toda gala de premios, foron moitas as anécdotas que rodearon o evento. Por unha parte, Ricky Gervais reapareceu despois da súa polémica na gala dos Globos de Ouro. Nun vídeo no que presentaba a categoría de mellor dirección de comedia, o actor britanico ironizou sobre a corrección política que rodea estes eventos.

Ricky Gervais presentado a categoría de mellor dirección de comedia.

Esta misma correción política que ironizaba Gervais foi a que provocou que o actor Alec Baldwin (nominado a mellor actor de comedia polo papel de Jack Donaghy en 30 Rock) non estivera presenta na gala. O actor foi censurado pola organización despois de que nun dos vídeos nos que debería aparecer saise parodiando o escándalo de Rupert Murdoch. Posteriormente, o actor publicaba unha mensaxe en twitter na que dicía “Quen gañou o Emmy? Gañei eu? Merda!”.

O irónico twitt de Alec Baldwin sobre o certame dos Emmy.

Queda agardar ata dentro dun ano para coñecer como evolucionarán as series nesta nova tempada televisiva. Logrará The Big Bang Theory retomar a calidade das primeiras tempadas? Poderán Game of Thrones e Boardwalk Empire revalidar o seu éxito? Conseguirá Mad Men gañar algún dos galardóns de interpretación?

BraisR

Morreu Andy Whitfield. D.E.P., Spartacus

Nesta semana despedimos a Andy Whitfield, protagonista da serie Spartacus: Blood and Sand (Spartacus: Sangre y arena, Steven S. DeKnight, 2010) e que levaba máis de ano e medio loitando contra un cancro.

Chuck Norris estará na secuela de The Expendables

Si. Escoitachedes ben. O Ranger de Texas, Chuck Norris terá un papel no remake da película The Expendables. O actor, que ronda os 70 anos, ten aquí a súa oportunidade para amosar que non está encasillado no papel de policía de Texas, rol que lle fixo gañar un grande grupo de seguidores.

Nesta ocasión, o reparto da película voltará a contar cun grande número de actores afincados no terreo do cine de acción. Bruce Willis, Jason Statham, Sylvester Stallone, Arnold Schwarzenegger, Jean-Claude Van Damme, Jet LiMickey Rourke son os nomes confirmados para protagonizar unha película que, de seguro, contará con esceas cargadas de emotividade e sentimento.

Nesta ocasión, a dirección recaerá en Simon West, coñecido por películas como Con Air ou Lara Croft: Tomb Raider, polo que desta vez non poderemos desfrutar de “Rambo” aos mandos do filme. Finalmente, rumoréase que a produción pode incorporar no plantel a Nicolas Cage e John Travolta. En definitiva, unha película co mellor de cada casa que promete ‘ostias a cascoporro’.

A estrea está prevista para o 2012.

Vía: Scifiworld.es

Novas relacionadas: Bruce Willis e Arnold Schwarzenegger confirmados para The Expendables 2, onde tamén poderían estar Jean-Claude Van Damme e Chuck Norris.

En xullo pasado, estendeuse o rumor de que Josh Brolin estaba en conversas para participar no remake de Oldboy que sorprendeu a todo o mundo ó incluir na dirección a Spike Lee. Segundo di Deadline esta nova visión do Thriller sobre a vinganza de Park Chan-wook, que sorprendeu a moitos no 2003, confirma agora a presenza do actor como protagonista deste proxecto escrito por Mark Protosevich (o mesmo escritor que está traballando nun novo Jurassic Park con Steven Spielberg e que coqueteou nun primeiro momento coa posibilidade de dirixir el mesmo o devandito remake de Oldboy).

Aínda que os fans da orixinal esten a levar ás mans á cabeza, ter a Brolin e a Lee abordo poder garantir un producto final de calidade (como sucedeu con Infiltrados de Scorsese). Outros rumores falaban de que Christian Bale barallaba entre outros proxectos a posibilidade de asumir o rol de antagonista, o que aumentaría aínda máis o actractivo do filme.

Para os que non esteades familiarizados co argumento do filme orixinal Oldboy conta a historia dun home que é secuestrado no día do aniversario da súa filla, e retido preso durante 15 anos nun aillamento forzado sen recibir ningunha explicación. Cando consegue ceibarse, o seu único desexo será o de executar a vinganza sobre aqueles que destruíron á súa vida.

Vía: Firstshowing.net

Aquí a opinión de Godzilla-sama sobre a orixinal.

Pois si, aí está, a fin de semana pasada anunciouse oficialmente que Michael Shannon interpretará ó carismático vilán xeneral Zod en Man of Steel [si, tamén anunciaron que de momento o nome do proxecto non leva o "Superman" diante] (2012, Zack snyder).

Michael Shannon engádese á lista de actores e actrices xa confirmados: Henry Cavill, Amy Adams, Diane Lane ou Kevin Costner.

Na imaxe podedes ver unha comparación de Michael Shannon con Terence Stamp, que interpretou ó xeneral Zod en Superman II (1980, Richard Lester e Richard Donner). E agora é cando comezan as discusións sobre a elección do actor e os posíbeis papeis do vilán no filme.

Novas relacionadas: Estará Brando Routh na segunda parte de Superman? e Diane Lane será Marta Kent en Superman: Man of Steel

Heather Mason (Adelaide Clemens) e Vincent (Kit Harington), dous dos protagonistas de Silent Hill: Revelation 3D

Carrie-Anne Moss, como Claudia Wolf, e Malcolm McDowell, como Leonard Wolf, únense a Adelaide Clemens, Kit Harington, Radha Mitchell, Sean Bean e Deborah Kara Unger no elenco de Silent Hill: Revelation 3D (2012, Michael J. Bassett).

A cousa pinta cada vez mellor, tendo en conta que semella que o filme vai ser unha adaptación máis que fiel do videoxogo Silent Hill 3.

Novas relacionadas: Primeira imaxe de Silent Hill: Revelation 3D e Sean Bean, Radha Mitchell e Deborah Kara estarán en Silent Hill: Revelation. Secuela?

Elizabeth Hurley e Tracie Thoms en Wonder Woman

Elizabeth Hurley será a vilá Veronica Cale e Tracie Thoms será Etta Candy, axudante e amiga de Wonder Woman. A superheroina estará encarnada por Adrianne Palick. Tranquilos, inda non hai imaxes dela disfrazada.

Como xa todos ben saberedes a personaxe de Wonder Woman por fin atopou acubillo nun proxecto de serie de televisión dirixida por Jeffrey Reiner e que se poderá ver este mesmo ano 2011 na canle estadounidense NBC.

Como curiosidade podedes ler sobre a personaxe de Etta Candy (polo seu nome é fácil adivinar de onde tira os seus poderes), ver a súa evolución dende a serie clásica ata a banda deseñada actual ou comparar as actrices desta serie e da vella. Cousas de Google.

Novas relacionadas: Christina Hendricks soña con vestirse de Wonder Woman.

Pois iso, que esta chica Bond interpretará á irmá de Hansel (interpretado por Jeremy Renner) en Hansel and Gretel: Witch Hunters (2011, Tommy Wirkola), o filme no que veremos en clave de The Brothers Grimm (2005, Terry Gilliam) como os dous irmáns, despois da súa coñecida experiencia traumática, convértense en cazadores de bruxas.

Inda non ten data de estrea.

(… e agora nós tamén)

Cada pouco tempo temos unha nova candidata a interpretar a Wonder Woman (2013?) no incerto proxecto e desta volta tócalle o turno á exuberante Christina Hendricks.

Máis apostas?

Despois de interpretar a persoal Alicia de Alicia en el país de las maravillas (2010) de Tim Burton o nome de Anne Hathaway soa como posíbel protagonista dun deses proxectos dos que se fala dende tempos inmemoriais, como é o do remake de Barbarella (que incluso Robert Rodríguez abandonou).

A verdade é que calquera excusa é boa para pór no blogue fotos de rapazas gostosas, mais non creo que a Hathaway teña o tirón necesario para facer semellante papel.

Novas relacionadas: Jane Fonda e as súas desinhibidas aventuras, Remake de Barbarella, Diora Baird. A perfeita Barbarella [NMNT]

 

About Author

Lorem ipsum dolor sit amet, consectetuer adipiscing elit. Vestibulum at arcu. Integer et risus. Morbi id tellus. Integer felis. Mauris malesuada, turpis vitae facilisis euismod, dui arcu adipiscing sem, eu vulputate leo ante in lacus. Sed porta accumsan lectus. Aenean ac sem. In consequat tempus velit. Phasellus leo enim, adipiscing a, egestas nec, pretium ut, pede. Mauris sollicitudin diam et mauris. Sed quis enim vel augue egestas lobortis. Etiam tempus ipsum vel neque.