"Só leo este blogue para saber o que non teño que ver", Martin Pawley (días estranhos)

Actores e actricesArchives for category

New Line Cinema, Warner Bros. e MGM veñen de anunciar novas fichaxes para The Hobbit: Part 1 (2012, Peter Jackson) e son as que vedes na imaxe de arriba (de esquerda a dereita e de arriba a abaixo): Kate Blanchett (Galadriel), Ken Stott (Balin), Sylvester MacCoy (Radagast, o pardo), Mikael Persbrandt (Beorn), Ryan Gage (Drogo Bulseiro), Jed Brophy (Nori) e William Kircher (Bifur).

Un bo filme faise, entre outras moitas cousas, cun boa escolla de elenco, e neste caso semella que van por bo camiño. Pero inda nos queda polo menos dous anos para ver o resultado (a estrea estimada da primeira parte agárdase para o Nadal de 2012).

Nathan Fillion e Eva Longoria en The Avengers

Nathan Fillion podería ser o Dr. Henry Pym


E Eva Longoria a súa muller Janet Van Dyne

Inda son rumores e os dous aparecerían en The Avengers de Joss Whedon como científicos de S.H.I.E.L.D, non como superheroes con poderes.

O único que hai fixo de momento é que a Longoria foi vista (buscade por aí as fotos) cuns libros de banda deseñada de The Avengers.

Ímonos inchar de ler rumores deste filme que se estrea en 2012.

Patrick Dempsey podería ser o Dr. Strange

Os rumores arredor dun posíbel filme do Dr. Strange non deixan de sair, inda que non deixan de ser rumores. Sexa como sexa a carreira por coñecer quen será o actor que interprete ó máxico superheroe xa comezou. O primeiro nome que soa é o de Patrick Dempsey, que polo menos xa ten “aprendido” o traballo de cirurxán.

Inspirado por este rumor o debuxante e entintador Arne Starr fixo o debuxo que vedes ilustrando esta entrada (tamén fixo un de Jon Hamm coma Green Lantern e outro de Kevin McKidd como Thor).

Novas relacionadas: Podería haber filmes de Dr. Extraño, Ka-Zar, Luke Cage, Dazzler ou Power Pack e Dr. Strange xa ten guionistas.

Hugo Weaving en Captain America: The First Avenger

Hugo Weaving será Cráneo Rojo (Red Skull) no filme Captain America: The First Avenger.

Novas relacionadas: A mina de ouro e Os Comandos Aulladores aparecerán no filme do Capitán América.

O actor Leonard Nimoy decide retirarse do mundo do cinema, a televisión e as convencións con 79 anos (60 traballando)

Nimoy xa se retirara en 1998 pero volveu para interpretar á súa personaxe máis famosa no último filme de Star Trek, convencido por J. J. Abrams.

Longa vida e prosperidade, Sr. Nimoy!

rambo IV

Stallone encarnará a Rambo por quinta vez.

Vía: EPA

jessica biel

Pois aí está o rumor, que a espectacular Jessica Biel podería estar na nova versión de Thor.

O que xa está fixo é que o director será Kenneth Branagh, Thor será Chris Hemsworth, Tom Hiddleston será Loki e Brian Blessed Odín.

O outro rumor é que o ubicuo Samuel L. Jackson podería aparacer como Nick Furia, ligando o filme con Iron Man (idem, 2008) e preparando o camiño para un futuro filme dos Vingadores.

Vía: Cinema Blend

Furia de titáns

A este ritmo van quedar poucos filmes por refacer (para cando un remake de As uvas da ira por Michale Bay?). E non digo que non vaia quedar ben e molón, mais facer un remake con CGI deste clásico é un dobre insulto, o orixinal de 1981 era fillo do seu tempo e ademáis tiña algúns dos máis memorabeis efectos en stop-motion do mestre Ray Harryhaussen.

Alomenos o están facendo con coidado e tempo. O proxecto leva en marcha dende 2006, cando un descoñecido Travis Beachman comezou a escribir un bosquexo do borrador que reescribiría o oscarizado Lawrence Kasdan. San Raimi e Robert Rodríguez rexeitaron dirixilo, e Stephen Norrington foi substituido finalmente por Louis Leterrier. E agora ó nome de Sam Worthington no papel de Perseo únense Liam Neeson (Zeus) e Ralph Finnes (Hades).

Hai que recordar de que vai todo isto? Perseo, fillo de Zeus e unha humana, enfréntase a innumerabeis obstáculos para salvar á súa namorada Andrómeda, que foi enfeitizada polo deforme Calibos, fillo tamén dunha deusa do Olimpo. Na súa viaxe deberá enfrentarse a criaturas mitolóxicas como Medusa, Cancerbeiro ou o temíbel Kraken, ó tempo que doma ó mesmísimo Pegaso.

Por se inda non sabedes de que estamos a falar aquí tedes o tráiler do clásico orixinal.

Vía: KillerMovies

En The Expendables están todos!

the expendables

Seguro que xa estades todos ó tanto deste proxecto, mais nunca está de máis darlle un repaso.

The Expendables (Os prescindibeis) é o novo proxecto de Sylvester Stallone, animado polo inesperado éxito das últimas entregas de Rocky e máis Rambo. A historia é ben sinxela e manida, un grupo de mercenarios ten como misión derrocar a un dictador en Sudamérica. Mais o que nos atrae do proxecto non é o argumento, ninsiquera que estea dirixido por Stgallone, senon o seu incríbel elenco, actores que fixeron de nós parte dos homes que agora somos: Jason Statham, Eric Roberts, Mickey Rourke, Jet Li, Dolph Lundgren, Danny Trejo e Arnold Schwarzenegger (si!!); acompañados dos menos coñecidos Randy Couture, David Zayas, Gary Daniels ou Terry Crews; ou das actrices Charisma Carpenter, Brittany Murphy ou Giselle Itié. E disque Jean-Claude Van Damme dixo non, imperdoábel!!

A estrea está prevista para o 23 de abril do 2010. Só queda un ano!

Vía: KillerMovies

Julia Dietze en Iron Sky

Non te deixes sorprender só pola foto e segue lendo que a nova ten tela. A actriz alemana Julia Dietze vai participar en Iron Sky, un proxecto que soa realmente ben.

Iron Sky é un filme de ciencia ficción que conta como científicos nazis fan un revolucionario descubrimento de tecnoloxía anti-gravidade a finais da II Guerra Mundial e logran chegar á lúa nunha nave e así fundar unha colonia no satélite. No ano 2018 teñen unha flota grande dabondo e deciden invadir a terra.

Vivan as co-producións xermano-finesas!

Vía: KillerMovies

Deixemos que as imaxes falen por si soas.

A nosa escolha para o papel principal da nova versão de Barbarella – se é que vão mesmo fazer. Essa americana de 25 anos e corpo escultural (e nada de silicone) apareceu em A matanza de Texas e Young People Fucking. Miss Baird ainda poderá ser vista esse ano em Pornstar, no remake de A Noite dos Demos, além do revitalizado Star Trek.

Vía VIVER E MORRER NO CINEMA

Unha nova sobre Jackie Chan non pode ir no miniCINEMA FRIKI (esas mininovas que tedes na columna da dereita) Inda que sexa para anunciar algo tan aberrante como que Jackie vai facer de Señor Miyagi no remake de Karate Kid, onde lle aprenderá a Jaden Smith (fillo de Will Smith de 10 anos) a facer a “grulla”.

Ninguén vai parar isto dos remakes? Estarán preparando xa o remake de Top Gun?

Vía: CinemaBlend

o reino proibido

Que podemos dizer deO Reino Proibido? Partide da ideia de que eu adoro os filmes de artes marciais e a literatura fantástica-religiosa -que ao menos na China som conceitos que sempre estão ligados- asiática, e que sou dessa castre de cinéfilos que cuidam que, de existirem de forma pura, os géneros cinematográficos merecem umha leitura na sua própria linguagem.

Umha crítica profissional e nom especializada falaria deste produto como umha reuniom de amigos entre Jackie Chan e Jet Li, identificados como os sucessores modernos desse Bruce Lee idolatrado em Ocidente, que tem como resultado um filme de malabarismo marcial e fantasia digital que nom achega muito mais entretém, com ziguezagues narrativos e umha pouca acertada direçom. Se calhar é um bom analise se o crítico tem como marco referencial umha escolha de filmes de artes marciais digeridos pola cultura americana (As próprias obras em América dos protagonistas e os filmes de Lee), as mostras do taoismo-digital da última década (Tigre e Dragom, A Casa das Dagas Voladoras…) e sobre todo umhas ferramentas e referentes adaptados ao contexto ocidental. E é certo, se analisamos “The Forbidden Kingdom” como a continuaçom dessa estirpe fílmica e cuidamos que nom tem outra dimensom ou intençom, entom podemos afirmar que é um filme mediócre e pouco original, mas divertido. Porém eu considero que existe outra via de observaçom e crítica, que nom tem que dar por força melhor resultado, mas é mais justa com as expectativas dos criadores do filme.

o reino proibido

Nom é um tópico dizer que o filme é umha homenagem continua para umha parte mui concreta da filmografia de artes marciais orientais e da cultura escrita e oral da China. As narraçons das lendas populares chinesas, e que tenhem como protagonista quase absoluto a Sun Wukong (O Rei Mono). Protagonista absoluto de centos de lentas, histórias populares, obras teatrais e sobre todo da grande obra literária chinesa A Viagem ao Oeste. Nom podo fazer cá um resumo dumha história gigantesca, que só na sua versom de cânon conforma mais dum milheiro de folhas, mas cumpre lembrar que é a narraçom da viagem espiritual dum jovem monge chinês (Xuanzang) até a India, na procura dos manuscritos do Budismo Theravada -conhecidos como os Canon Pali-, que permitiran recuperar a “boa prática religiosa” na China. O protagonista original, inexperto e débil, pronto é despraçado polos companheiros míticos que os deuses escolhem para o acompanhar e proteger. E entre eles um destaca: O Rei Mono. A novela pode ser analisada em muitos níveis, desde o conto popular, até o manuscrito de metáfora religiosa (E até este nível conta com duas leituras paralelas: A doutrina budista da peregrinaçóm, e o conceito taoista da alquimia interior). E como homenagem o filme recolhe os traços diferencias da narrativa dessa magna obra e construe, intencionada-mente ou nom, um reflexo modernizado do sistema de níveis de interpretaçom.

o reino proibido

Situada cronológica-mente num ponto mui concreta da “Viagem…”, quando o Rei Mono acada o favor-ódio do Emperador de Jade e luta durante muito tempo contra os deuses do Reino Celestial, que nom aturam a natureza irrespetuosa da criatura. A história contada é totalmente inventada, mas segue a linha dos centos de narraçons apócrifas que se contarom durante 1000 anos ao caróm da lareira em China. É umha mais das aventuras de Sun Wukong, como força da indisciplina total, até que o próprio Budha tenha que intervir e encerrar a criatura até o sua viagem de redençom pessoal. Atrapado polo Senhor da Guerra de Jade tem que aguardar 500 para que um “Viageiro” profetizado traia de volta o seu bastom ( A Ruyi Jingu Bang, também protagonista de centos de histórias próprias) e libere o seu poder. Assim um jovem fam dos filmes de Kung-Fu é levado até o Reino Medio para começar umha viagem para liberar o espírito do Rei Mono, acompanhado doutros personagens clássicos: Um inmortal Taoista sempre bêbado, um monge silencioso e puro e umha rapariga mortal na procura de vingança. Um exemplo clássico e até aborrecido de “viagem iniciática” diriam alguns críticos,umha excelente re-leitura da própria viagem “futura” de Sun. Se a “Grande história” da “Viagem a Ocidente” remata coa liberaçom espiritual do Rei Mono, esta pequena viagem é a liberaçom física -e também a liberaçom do povo sob o domínio do Senhor da Guerra. Se essa interpretaçom do filme é correcta nom nos deve estranhar que o nove do jovem cinéfilo convertido em lutador seja Jason Triptikas, quando os textos sagrados budistas também som chamados Triptikas no sânscrito original. Assim a viagem espiritual do Rei Mono cara os textos, disfarçada na obra original como viagem física, é novamente substituída por umha viagem mundana desta vez cara o próprio Sun Wukong. Subtil? Nom, chinês.
Com todo, nom deixem que essa analise literária e filosófica consoma todo o visionado do filme. É só umha das moreias de referências que convertem, por momentos, a fita numha delícia para afecioados. Exércitos imperiais malvados, mosteiros de monges marciais, lutadores bêbados, malvadas e sensuais inimigas, elixires mágicos e sobretodo, artes marciais (numha justa proporçom do malabarismo de Chang e a contundência de Lee). Até existem referência para o próprio staff do filme: Num momento do mesmo, numha clássica sequência de adestramento, Jasen enumera golpes e cenas clássicas do cinema de artes marciais, entre elas A Palma de Buda, umha das obras da etapa oriental do coreógrafo do próprio filme,o mítico Yuen Woo-ping, e um dos primeiros filmes de Chang. Até poderíamos lembrar que nom é a primeira vez que Chang fai de lutador bêbado, ou até de aprendiz desse mesmo lutador… mas nom quero estender esta entrada mais. Só dizer, como resumo, que cuido que os principais erros do filme som filhos dum mal entendimento entre as partes “orientais” (Chang, Lee, Woo-Ping e o próprio trasfondo da história… quiça demasiado experimentados e autoreferenciais) e as ocidentais (Rob Minkoff, director também de Stuart Little, e John Fusco, guionista… totalmente noveis nestes trabalhos e em quase todo).


fer

John Rambo Bovino

“Cona! Pero se está bovino!”- berrou asustada a Raiña dos Mortos ó aparecer na pantalla Sly Stallone encarnando por cuarta vez ó arquetipo definitivo do heroe de acción: John Rambo.

E era ben certo. A magna presenza física (a hormona GH fai marabillas) do actor de 62 (!) anos segue intimidando e admirando á vez. Rambo destila ameaza física en cada movemento, e neste derradeiro filme esta ameaza non se queda tan só niso, senon que se convirte nas máis violentas, realistas e ‘casqueriles’ secuencias bélicas vistas dende… Salvar ó soldado Ryan? Non, iso foi tan só un conto infantil en comparación.

A historia non é complexa, nin debería selo tendo unha lenda como Rambo de protagonista. O malpocado Rambo, aínda perdido na negación do seu propio ser, atópase na fronteira de Burma facendo chapuzas para os chinoides habitantes do lugar cando unha cuadrilla de benintencionados e profundamente estúpidos misioneiros brancos lle piden que os guíe cara o país en guerra. E entón ocorre o que sempre pasa cando se pretende facer algo tan só con ideais, e sen contar cunha compañía de infantería para darlles validez: que os pérfidos militares de Myanmar (fillos de puta en grado extremo) os apresan logo de pasar polo gume do machete a toda unha aldea.

O pastor da igrexa dos anteriores, entrando por fin en razón, decide enviar a un grupiño de mercenarios a sacalos dese inferno, e Rambo (muller loira de por medio) únese a eles.

Rambo 4 Deus da Guerra

Dende este momento o noso entrañable protagonista demostra e vai aceptando paulatinamente o que en realidade é: a encarnación na Terra dalgún terrible Deus da Guerra. A cantidade de tralla que reparte e o estilo furibundo con que o fai pagan a pena velos. E iso que só leva con él o seu tradicional arco composto e un ferro afiado! Pero ó longo da largometraxe consegue responder a algunha das dúbidas que sempre tiven, como: Que fai cun home o impacto dunha ametralladora do .50 a curto alcance? A resposta é: miudos (4).

Rambo 4 miudos

En fin só podo dicir como conclusión que, a pesares de ser un filme do que non agardaba nada, Rambo logrou satisfacer a miña innata sede de sangue por algún tempo ofrecendo algunhas das secuencias de acción máis traballadas e impresionantes que se viron en anos. Duras e arrepiantes si, pero claro, non poderiamos agardar que a nosa nova e sanguenta deidade guerreira se comportase de xeito máis suave, non?

Yann Breoc

A política de revisións de vellos (e non tan vellos) clásicos semella non ter fin. A única escusa medianamente críbel é que queren renovar a estética daquelas producións, xa que ás novas xeracións bótalles para atrás todo o que cheire a vello.

E agora chegoulle o turno a un dos grandes clásicos do terror Os nenos do millo de1984, baseado nunha novela de Stephen King. A canle Sci-fi prepara un telefilme de dúas horas con actores e actrices de series de éxito na última tempada.

De momento semella que o argumento segue igual. Burt (David Anders) e Vicky (Kandyse McClure), un matrimonio con problemas sentimentais fai unha segunda lúa de mel para intentar arranxar a súa situación e no camiño atopánse cunha comunidade rexida só por nenos, dirixida por unha sorte e rapaz sacerdote chamado Isaac (Preston Bailey) e a súa man dereita Malachai (Daniel Newman). O resto xa sabedes como vai.

Estrea prevista para o 2009. Escribe e dirixe esta nova versión un dos produtores da versión orixinal, Donald P. Borchers.

Estades avisados.

Vía KillerMovies

 

About Author

Lorem ipsum dolor sit amet, consectetuer adipiscing elit. Vestibulum at arcu. Integer et risus. Morbi id tellus. Integer felis. Mauris malesuada, turpis vitae facilisis euismod, dui arcu adipiscing sem, eu vulputate leo ante in lacus. Sed porta accumsan lectus. Aenean ac sem. In consequat tempus velit. Phasellus leo enim, adipiscing a, egestas nec, pretium ut, pede. Mauris sollicitudin diam et mauris. Sed quis enim vel augue egestas lobortis. Etiam tempus ipsum vel neque.