"Só leo este blogue para saber o que non teño que ver", Martin Pawley (días estranhos)

Nós rulesArchives for category

Vencelho
s. m.

(1) Atilho feito com palha, junco, vime, etc., para atar a messe e outras cousas.

“Deus os cría e internet os xunta”, dixo alguén nalgures desta rede infinita. Gando con gando, usando unha expresión de noso. Iso é o Vencello, a unión de varios blogues especializados en temas como a tecnoloxía, os móbiles, os videoxogos, a construcción, as telecomunicacións ou o cinema para crear unha rede de contidos en galego ampla e atractiva. Mais o Vencello non é algo fechado senon que inda collen máis blogues no feixe, así que se tes unha idea sobre un blogue temático, xa tes un ou gustaríache participar con máis xente nalgo novo non deixes de pasar pola nosa Incubadora.

Isto só é o comezo. Detrás disto hai un bo feixe de xente con moitas ideas, ilusións e ganas de traballar. Esperemos que a idea vos guste, vos ilusione e queirades acompañarnos nesta andaina.

De momento forman o Vencello:

Para máis información visitade a páxina principal do Vencello, que irá medrando con máis información. Déixovos aquí o texto de presentación da rede:

Nestes tempos nos que a rede xa tomou o relevo do papel e doutros medios como formato preferente escollido polos cidadáns para informarse, o galego vai traballando pouco a pouco para adaptarse á linguaxe de Internet e do mundo tecnolóxico. Mais, ao mesmo tempo que a nosa lingua avanza e se adapta á rede a nível de usuarios e de software libre, cada vez son menos os medios de comunicación que o utilizan e menos o apoio que reciben os que así o fan.

Nun entorno como o actual, dominado polas redes sociais, os blogues son un refuxio de tranquilidade onde a información detallada, as opinións e os argumentos teñen o seu espazo. Coa posibilidade de chegar a calquera sitio e a todo tipo de público queremos apostar pola información especializada nos máis diversos temas, aportando así o noso humilde gran de area para o fortalecemento do galego na rede.

Vencello xorde neste contexto como a resposta a estas necesidades e co compromiso preciso para afrontala con seriedade e decisión; nace como a primeira rede temática de blogues en galego, disposta a ser un punto de referencia na rede e poñendo os medios para seguir medrando coas aportacións de todos e cada un dos seus lectores.

Vencello non é pechado. Vencello é unha porta aberta a todos e todas, á comunicación e ao diálogo, co galego e con todo o mundo. Por iso agardamos vervos a cotío por aquí:

Benvidos a Vencello.

Longa vida ao Vencello!

We are recruiting!!

O noso tempo de inactividade está rematando. A verdade é que este verán con tanta estrea e algún que outro momento de tempo libre fixo que botáramos de menos este pequeno lugar onde esbardallar e ir compartindo todo o que imos atopando de novidades.

Por iso anunciamos hoxe mesmo que en breve teremos máis novidades e anuncios de novos proxectos, e por iso buscamos nova xente interesada en colaborar connosco en actualizar o blogue con novo material, escribir críticas, acudir a preestreas, festivais, festas con modelos e demáis prevendas da nosa posición. Se estades interesados ou tedes curiosidade podedes enviar un correo a (ifrit en sonche punto eu) e contarnos algo sobre o que vos gusta e que poderíades facer.

Veña, animádevos, que inda o imos pasar ben e non é nin a metade de perigoso que o Mortal Kombat!

Un ano máis celebramos unha edición dos Premios CINEMA FRIKI para escoller o mellor e o peor do ano pasado. Pero xa levamos seis (6) anos con isto do blogue e queríamos traervos algunha sorpresa. Poir iso imos sortear entre os participantes o catálogo enteiro (todo!) da Editorial de banda deseñada Cerditos de Guinea e un lote de libros e banda deseñada cortesía da tenda cultural on-line Toupa.net

Para participar no sorteo, despois de cubrir a enquisa dos premios podes:

1. Deixar un comentario no blogue, na entrada dos Premios
2. Facer un tweet en Twitter co hashtag #premioscinemafriki
3. Deixar un comentario na nosa páxina de Facebook.

(Un voto, tres posibilidades de levar o agasallo).

Imos cos candidatos:

Mellor filme:

  • Inception (Origen, Christopher Nolan, 2010)
  • Scott Pilgrim vs. the World (Scott Pilgrim contra el mundo, 2010, Edgar Wright)
  • Kick-Ass (Kick-Ass. Listo para machacar, 2010, Matthew Vaughn)
  • Toy Story 3 (2010, Lee Unkrich)

Mellor actor/actriz/animal/ancián:

  • Danny Trejo, en Machete (2010, Ethan Maniquis e Robert Rodriguez)
  • Jeff Bridges, en The Men Who Stare at Goats (Los hombres que miraban fijamente a las cabras, 2009, Grant Heslov)
  • Michael Cera, en Scott Pilgrim vs. the World (Scott Pilgrim contra el mundo, 2010, Edgar Wright)

Mellores FX/CGI:

  • Inception (Origen, Christopher Nolan, 2010)
  • Toy Story 3 (2010, Lee Unkrich)
  • Iron Man 2 (2010, Jon Favreau)

Mellor B.S.O.:

  • TRON: Legacy, de Daft Punk (TRON: Legado, 2010, Joseph Kosinski)
  • Scott Pilgrim vs. the World, de Nigel Godrich (Scott Pilgrim contra el mundo, 2010, Edgar Wright)
  • Inception, Hans Zimmer (Origen, Christopher Nolan, 2010)

Mellor serie:

  • Boardwalk Empire. Season 1
  • Dexter. Season 5
  • Lost. Season 6
  • The Walking Dead. Season 1

Premio Dr. Jones ó peor actor secundario ou ó máis prescindíbel:

  • Candice, Brittany Daniel en Skyline (2010, Colin Strause e Greg Strause)
  • Denise, Crystal Reed en Skyline (2010, Colin Strause e Greg Strause)
  • Terry, Donald Falson en Skyline (2010, Colin Strause e Greg Strause)
  • Jarrod, Eric Balfour en Skyline (2010, Colin Strause e Greg Strause)
  • Elaine, Scottie Thompson en Skyline (2010, Colin Strause e Greg Strause)

Mellor tráiler/curta:

Premio Campo de batalla a Terra ó filme que non vimos (patrocinado pola Igrexa da Ciencioloxía):


  • Clash of the Titans (Furia de titanes, 2010, Louis Leterrier)
  • Dorian Gray (El retrato de Dorian Gray, 2009, Oliver Parker)
  • The Book of Eli (El libro de Eli, 2010, Albert Hughes e Allen Hughes)
  • Prince of Persia: Sands of Time (Prince of Persia: Las arenas del tiempo, 2010, Mike Newell)
  • Skyline (2010, Colin Strause e Greg Strause)

Aquí para votar

As votacións fecharanse o luns 21 de marzo ás 12:30 (GMT +1)

Os premios:

Lote da Editorial Cerditos de Guinea

  • Spirou e Fantasio en Nova York
  • Superlopez e a caixa de Pandora
  • Os cinco loitadores tomo 1
  • Gargolas tomo 1
  • Trasmallo e o tesouro de Carraxe (adicado polo autor)

Aquí tedes máis información.


Lote de Toupa.net

O sorteo farase entre todos os participantes e asignándolles un número de forma aleatoria. Recordade que podedes votar só unha vez pero ter tres “papeletas” publicando o voso comentario aquí no blogue, na páxina de Facebook ou en Twitter co hashtag #premioscinemafriki

Gracias á Editorial Cerditos de Guinea e a Toupa.net pola súa colaboración e a todos vós por estares aí.

Estreamos a cabeceira de Xastriño

Xa a tedes aí arriba. Decimos adeus ó superheroe que nos agasallou ictioscopio e damos á benvida ó Lobeto come polbo de Xastriño.

No seu blogue podedes atopar máis mostras da súa arte, un proxecto para facer unha ilustración ó día durante un ano e opinións de banda deseñada e vidas de autores.

Moitas gracias, Xastriño!!

Xa sabedes, se tedes algunha habilidade artística animádevos a mandar a vosa cabeceira para o blogue (200 x 980).

Novas relacionadas: A cabeceira de chimpin, A cabeceira de ictioscopio.

E hoxe é tan bo día como outro calquera para estrear a cabeceira que nos fixo ictioscopio.

Na imaxe pódese ver a un superheroe estilo Batman loitando contra un xigante home de area. Será unha metáfora?

Ictios é un ilustrador e deseñador ben inquedo e ademáis da súa páxina profesional podedes ver as súas ideas bulindo no seu blogue homedareia ou no seu Twitter @oictioscopio.

Ademáis da súa faceta como ilustrador ictios ten outra como explorador de músicas con licenza Creative Commons que podedes seguir no seu falangullo C’mmons Baby e na súa correspondente conta de Twitter @cmmonsbaby.

Obrigados, ictioscopio!

E xa sabedes, se vós tamén lle dades a isto do deseño podedes enviarnos a vosa cabeceira cas mesmas medidas da que está agora a cinema_friki @ yahoo . es

Pronto teremos novas colaboracións! Estade atentos!

Novas relacionadas: A cabeceira de chimpin

avatar

A audiencia de CINEMA FRIKI falou e o seu veredicto non dexa lugar á dúbida: son unha manda de descreidos que xa non respectan ó mesmísimo James Cameron. Mentras a uns o visionado deixounos bastante indiferentes a outros pareceulles cousa de videoxogo (e dos normaliños).

Xa sabedes que podedes seguir opinando nos comentarios.

Seguiremos informando (inda que agora xa ninguén se acorda disto de Avatar)

Enquisa de Avatar

avatar

Xa todos víchedes o tráiler e algúns incluso 15 minutos do filme nalgúns cines elexidos. É hora de empezar a facer cábalas e ver o que pode sair deste novo proxecto de James Cameron. así que dende CINEMA FRIKI preparamos unha enquisa para ver como respirades (a enquisa está na columna da dereita).

shaun of the dead

shaun of the dead

shaun of the dead

Zombie’s Party (2004, Edgar Wright)

E aquí está a derradeira, mais non por iso menos importante, da lista: Zombie’s Party (sic), que é comose coñece por estes lares ó filme Shaun of the Dead.
Trátase dun filme un tanto atípico, por así decilo, non que os zombis amósanse tal e como debería ser (iso só se desexáramos que a raza humana non se extinga): lentos, zoupóns e un pouco parvos.
Unha comedia negra, moi negra, con moito humor e apta para todos os públicos.

A Raiña dos Mortos

shaun of the dead

Ata aquí podo contar, inda que seguramente me queden algunhas no tinteiro que a continuación recapitularei: O día dos mortos (Day of the Dead, George A. Romero, 1985), O exército dos mortos (Masters of Horror: Homecoming, Joe Dante, 2005), Severed: Forest of the Dead (idem, Carl Bessai, 2005), Resident Evil (calquera das tres partes), La noche de las gaviotas (idem, 1975), El buque maldito (idem, 1974) e El ataque de los muertos sin ojos (idem, 1973), estas últimas do coruñés Amando de Ossorio; La legión de los hombres sin alma (White Zombie, 1932) con Bela Lugosi…

Mudamos a nosa semente a Feedburner

I heart FeedBurner

Unha nova curta mais de interese para aqueles que len CINEMA FRIKI dende un lector de sementes. A semente deste bló (RSS) pasa agora a ser http://feeds.feedburner.com/CinemaFriki Para vós non é ningún cambio mais a nós abrenos un mundo de posibilidades para traballar cas sementes (para empezar xa podedes seguir as actualizacións do bló dende o correo-e)

Ademáis, dende fai algún tempo, Feedburner fai parte de Google e dende aquí sempre apoiamos o seu PDM (que quede claro)

diary of the dead

diary of the dead

diary of the dead

O diario dos mortos (2007, George A. Romero)
Un dos últimos filmes de Romero somentes estreado nuns poucos e selectos festivais (Sithes, Donosti ou Cineuropa). Definida coma “unha feroz comedia negra” na que se narra coma un grupo de mozos viven a plaga zombi e colgan en internet todas as súas experiencias gravadas con videocámaras, teléfonos móbiles… Quizais unha crítica a toda esta sociedade da información? Por sempre inolvidábel Samuel, a partir de agora o noso amish favorito. Sempre teremos un lugar para el no noso corazón!

A Raiña dos Mortos

diary of the dead

planet terror

planet terror

planet terror

Planet Terror (2007, Robert Rodríguez)
É a primeira parte de Grindhouse, filme dirixido por Robert Rodríguez e Quentin Tarantino. Xenial de principio a fin, incluindo, por suposto, o falso tráiler de Machete e a banda sonora do mesmísimo Rodríguez e o seu grupo.


A Raiña dos Mortos

planet terror

Cinema de verán na Gentalha do Pichel!

cinema friki gentalha pichel night of the living dead

Hoxe, domingo 5 de xullo, comezamos o ciclo de cinema que vai ter lugar no C.S. A Gentalha do Pichel (Rúa Santa Clara, 21 Santiago de Compostela).

Para a estrea nada mellor que un clásico fundacional do xénero do cinema de zombis, The Night of the Living Dead (en V.O.S)

Para os que xa a víchedes é unha oportunidade para compartir un bo rato ó aire libre coñecendo se cadra algo máis sobre o filme e para os que sexa a vosa primeira vez poderedes disfrutar do clásico de George A. Romero acompañado de comentarios.

Este é a primeira das que iremos disfrutando ó longo deste verán. Estade atentos ós próximos títulos, esperamos que sexan do voso gusto.

Este verao non fiques sem plano! Na Gentalha está o teu Plano Z!

Vémonos alí!

10 filmes zombis que marcaron a miña non-vida (VII)

Braindead

Braindead

Braindead

Braindead (idem, 1992, Peter Jackson)

Un dos primeiros filmes de Peter Jackson, despois [director] doutros títulos coma Bad Taste. O título en castelán é, por así decilo, algo rebuscado Tu madre se ha comido a mi perro mais nel pódese ver o ton de “guasa” que ten o filme.

Un momento para recordar: Só darei tres pistas: festa zombi, unha cortadora de céspede e un home namorado.

A Raiña dos Mortos

Braindead

Zombie 2
Zombie 2
Zombie 2

Nova York baixo o terror dos zombis (Zombie 2, 1979, Lucio Fulci)

Este filme de Lucio Fulci é outro dos clásico do xénero, e o seu nome [na versión en castelán] débese ó final da mesma. É a máis gore de todas e non apta para todos os estómagos.

Escenas para o recordo: a loita encarnizada entre un grande branco (o que vén sendo un tabeirón) e un zombi nas augas do Caribe. Simplemente impagábel.

A Raiña dos Mortos

Zombie 2

Hoxe fai 4 anos que comezamos esta tolemia que é CINEMA FRIKI. O que comezou sendo un chiringuito de catro colegas segue sendo iso, non conseguimos (de momento) forrarnos.

Nestes 4 anos os que nos visitades ou estades suscritos ás nosas sementes disfrutáchedes da noso irregular ritmo de actualización (que durante meses chegou a ser inexistente) e das nosas opinións carentes de estilo (agás contadas excepcións) E inda así seguides visitándonos e algún ata comentando, vós saberedes porqué.

Aproveitando tan sinalada data imos facer repaso e gustaríamos que nos comentárades que é o que máis vos gusta ver cando visitades CINEMA FRIKI, o que menos, que cambiaríades, engadiríades, etc. Tamen gustaríamos que se hai algún artista entre os lectores que se animara a facer unha cabeceira para o bló, unha cousa sinxela, o que se vos ocorra (tamaño aproximado 200 x 1000)

Seguide atentos porque en breve comezarán os Premios CINEMA FRIKI 2008 (o ano pasado non se celebraron, mais tampouco a ninguén lle preocupou)

E nada máis. Gracias a toda a xente que estivo con nós e sobre todo a toda a xente que coñecimos en persoa e ós que nos quedan por coñecer. Porque CINEMA FRIKI é para comer panterasrosas, pizza e patacas fritidas e os blós para comer churrasco!

 

About Author

Lorem ipsum dolor sit amet, consectetuer adipiscing elit. Vestibulum at arcu. Integer et risus. Morbi id tellus. Integer felis. Mauris malesuada, turpis vitae facilisis euismod, dui arcu adipiscing sem, eu vulputate leo ante in lacus. Sed porta accumsan lectus. Aenean ac sem. In consequat tempus velit. Phasellus leo enim, adipiscing a, egestas nec, pretium ut, pede. Mauris sollicitudin diam et mauris. Sed quis enim vel augue egestas lobortis. Etiam tempus ipsum vel neque.