"Só leo este blogue para saber o que non teño que ver", Martin Pawley (días estranhos)

PistasArchives for category

Remata a rodaxe de Lobos de Arga

Hoxe mesmo rematou a rodaxe de Lobos de Arga (2011, Juan Martínez Moreno), o filme de terror e acción con toques de comedia que discurre e foi gravado, en parte, en Galiza.

Agora comeza a post-producción para poder estreala o vindeiro outono, como está previsto.

Novas relacionadas: Lobos de Arga. Rodando en Santiago de Compostela.

Portadas de revistas vintage de X-Men: First Class

Profesor Charles Xavier. No interior da ameaza mutante.

Os magnéticos movementos de Eric Lehnsherr

HELLFIRE. Emma Frost, fala a Raiña Branca.

Despois da cagada dos primeiros pósters a xente de X-Men: First Class (X-Men: primera generación, 2011, Matthew Vaughn) desmárcase con estas curiosas revistas retro cos dous protagonistas centrais e a representante feminina máis sexy.

A resposta ás vosas preguntas é: 75-60-75

Novas relacionadas: Michael Fassbender será MagnetoArgumento de X-Men First Class Argumento de X-Men: First ClassNovos pósters de X-Men: First Class, a cousa máis fea vista nos últimos temposImaxe de Havok, sobriño de Cíclope, en X-Men: First Class e Interesante tráiler de X-Men: First Class


É un filme do que non se está a falar moito pero que ten boa pinta o de que seguro que se vai ir falando máis a medida que se achegue o día da estrea.

Lobos de Arga (2011, Juan Martínez Moreno) é un filme producido por Vaca Films e Telspan 2000. Protagonizado polo televisivo trío Gorka Etxea, Carlos Areces e Secun de la Rosa e acompañados polos tamén televisivos Manuel Manquiña, Mabel Rivera e Luis Zahera o filme conta, en versión de filme de terror, aventuras e acción con pingas de comedia, a lenda dos Mariño e de como o fillo da condesa convértese, a principios do século XX, en home lobo. Tomás, escritor fracasado, é o último varón vivo da linaxe dos Mariño. Os habitantes da súa aldea natal, Arga, invítanno para facelo fillo adoptivo do lugar. Mais as intencións dos aldeáns non poden ser máis distintas e o que en realidade pretenden é matar ó último dos Mariño e acabar así ca maldición e o lobisome que os leva atormentando durante décadas.

Nesta páxina de RTVE tedes unha chea de material (imaxes, vídeos, comentarios do director, actores e membros do equipo, story board, etc.). Mágoa que non teña o seu propio RSS para poder seguir ó momento todas as actualizacións.

O terror e o fantástico seguen co tirón dentro do cinema do estado español.

A estrea está prevista para outono de 2011.

4 minutos de imaxes seleccionadas de Green Lantern

Para ver Green Lantern (2011, Martin Campbell) inda teremos que agardar ata o verán, pero neste vídeo poderemos ver os ingredientes principais do que se presenta como un dos filmes máis espectaculares do ano. Efectos especiais e CGI a fartar (que a min non me acaban de convencer e parecen demasiado videoxogo) e un achegamento á mitoloxía dos Lanternas verdes compaxinandoo cunha histora na Terra (un pouco como en Thor).

Novas relacionadas: Nova imaxe de Tomar-Re en Green Lantern (2011)

Verdades e mentiras sobre a Batalla de Los Angeles

Non sei se o sabíades (eu non o sabía ata onte), pero o filme Battle: Los Angeles (Invasión a la tierra, 2011, Jonathan Liebesman) está baseada dalgunha maneira nos feitos que sucederon en dita cidade en 1942.

En 1942 a Campaña do Pacífico da II Guerra Mundial está tendo os seus combates máis encarnizados. O ano anterior, só dous meses antes do suceso, os xaponeses atacaran por sorpresa Pearl Harbor, en Hawaii. O ambiente de medo e paranoia que arrodeaba á poboación estadounidense, especialmente a da Costa Oeste, é comprobábel en feitos como que se cría que espías inimigos tiñan bases en México ou que os xaponeses poderían chegar a sitios como California e similares.

Entre o 24 pola noite e 25 de mañá tivo lugar o incidente coñecido como Batalla de Los Angeles. No medio deste ambiente de medo e paranoia declárase unha alarma aérea en L.A., polo que as baterías anti-aéreas están disparando ó aire durante horas e horas. Preto de 1.400 proxectís.
Como vén saberedes as tropas xaponesas nunca chegaron a territorio continental estadounidense, e tampouco nesta ocasión, na que o incidente achacouse ó nerviosismo do período de guerra.

Pero o feito non podía ser ignorado polos conspiranoicos e amigos do paranormal, inda que daquela non existían os ‘platillos’ voantes, nin a ufoloxía. Vale, si, pasou desapercibido neste campo e non foi ata case corenta anos despois que os amigos do misterio e outros hinbestigadores empezaron a ver naves extraterrestres no ceo da Los Angeles de 1943 (amén de conspiracións militares para ocultalo todo).

E agora ca inminente estrea do filme a produtora Sony inclue declaracións tales como “A xente que estaba na rúa esa noite xura que non foi nin un avión, nin un globo, senon un ovni. Flotaba, deslizábase. E a día de hoxe ninguén pode explicar que naver, nin porqué a nosa artillería foi incapaz de alcanzala; é un misterio sen resolver”. Estas palabras saen da pluma de Bill Birnes, director da revista Ufo, e están incluidas na nota de prensa de Battle: Los Angeles.

Está ben basearse en historias fantásticas para facer filmes e promocionalos, pero un pouco de seriedade:

1. Ninguén pensou que eran naves extraterrestres, porque a idea dos ‘platillos’ voantes (flying sauces, en inglés) non apareceu ata varios anos despois.

2. Non é ningún misterio que alí pasou. Despois da fin da guerra os xaponeses declaron non ter ningún tipo de relación co sucedido. As investigacións posteriores sinalan a un globo metereolóxico como o detonante de todo o temor dunha cidade, manifestado nos canóns antiaéreos.

Inda así non seguimos con ganas de ir ver Invasión a la tierra, pois promete ser un filme bélico con invasión extraterrestre do máis entretido.

Como última curiosidade dicir que Steven Spielberg fixo unha comedia ca idea dunha invasión xaponesa dos EUA e ca Batalla de Los Angeles de fondo titulada 1941 (1979), escrita por Robert Zemeckis e protagonizada por John Belushi, Dan Aykroyd e Treat Williams.

ifrit

(vía: Magonia)

Máis:
Battle of Los Angeles
Ataque a Pearl Harbor

Novas relacionadas: Novo póster de Battle: Los Angeles e Novo tráiler de Battle: Los Angeles.

Novo póster de Source Code, con Jake Gyllenhaal


Muda o pasado. Salva o futuro.

Pouco máis hai que engadir a este póster de Source Code (2011, Duncan Jones). A min de momento tenme boa pinta, pero nunca se sabe…

Novas relacionadas: Novo tráiler de Source Code.

Pois esta que vedes ilustrando a entrada é a primeira imaxe de Silent Hill: Revelation 3D (2011, Michael J. Bassett) e na que podemos ver a Adelaide Clemens que, xunto con Kit Harington, é a protagonista do filme.

Vai ser moi difícil superar ou incluso igualar á anterior versión do videoxogo Silent Hill e inda por riba é en 3D, tecnoloxía que para moitos está lastrando a gran maioría das estreas.

Desta volta veremos a unha que se enfronta ós monstros máis terríbeis nun ambiente de suspense continuo para atopar ó seu pai.

Inda queda algún tempo para ver este proxecto rematado pero aquí temos algúns pósters promocionais para ir facendo fame.

Creo que nunca falamos del por aquí pero Doble sesión é a versión hispana de Grindhouse e que recuperará o espírito daquelas sesións continuas ou sesións dobres dos vellos cines.

A primeira das dúas mediometraxes chámase Ríos revueltos e está en fase de post-produción. Dirixida e guionizada por Enrique Diego é un western post-apocalíptico no que dous amigos, interpretados por Alberto Millán (Largo) e Nicola Reale Bartolotto (Candolini) andan á gresca.

O outro filme chamarase Orden y Caos ou Sandra Munt (inda non o teño moi claro), e estará dirixido por Rubén Arnaiz, que comezará a rodarse no verán de 2011.

En principio a cousa pinta ben, inda que é un pouco difícil atopar información sobre o proxecto completo. Se todo vai polo rego os deus filmes deberían estar rematados para poder estrealos no vindeiro festival de Sitges.

Disfrutade destas primeiras imaxes The Adventures of Tintin: The Secret of the Unicorn (Steven Spielberg, 2011).

A estrea nos EUA o 28 de outubro de 2011.

Novas relacionadas: Trilogia de Tintín.

Primeira foto do novo Conan

A rodaxe do novo filme de Conan vén de rematar e aquí temos a primeira foto de Jason Momoa (ex-Vixantes da praia, ex-Stargate Atlantis…) como Conan. (Aquí podedes ver a evolución da cor da súa pel)

O novo Conan está dirixido por Marcus Nispel e non se estreará ata o 2011. Comparten pantalla con Momoa Rachel Nichols e Stephen Lang, entre outros.

Spartacus

Spartacus, unha das moitas series que temos pendentes.

Le un par de boas críticas de Rafa Marín (Crisei): 1 e 2.

Este será o aspecto que terá o rostro de Freddy Kruger na última entrega da franquía, A Nightmare in Elm Street.

E esta é a sinopse: Nancy, Kris, Quentin, Jesse e Dean viven en Elm Street. Pola noite comparten o mesmo soño do mesmo home. Un home vestido cunha rachada camisola a raias vermellas e verdes, un vello sombreiro que agocha unha cara desfigurada e unha luba de xardiñeiro con navallas en troques de dedos. E todos escoitan a mesma e aterradora voz…
Un a un, aterrorízaos nas curvas paredes dos soños, onde as reglas son as súas e a única maneira de sair é acordar.
Pero cando un deles morre brutalmente, pronto se dan conta de que o que ocorre nos soños traspasa o veo da realidade. A única maneira de sobrevivir será ficar espertos.
Facendo quendas entre eles, os catro supervivintes tratan de descubrir como se meteron neste escuro conto de fadas, cazados por este tebroso home. Intentando sobrevivir sen soño, loitarán por descubrir porqué eles, porqué agora e que lles están agochando os seus pais sobre o asunto.
Soterrada no seu pasado hai unha débeda pendente de ser saldada. E para salvarse terá que sumerxirse no peor pesadelo imaxinábel… Freddy Krueger.

Samuel Bayer dirixe esta versión na que por primeira vez o vengativo Freddy Kruger non estará interpretado por Robert Englund, senon por Jackie Earle Haley. Tamén participan Kyle Gallner, Thomas Dekker, Rooney Mara, Kellan Lutz, Katie Cassidy, Clancy Brown e Connie Britton.

A estrea será o 6 de agosto de 2010.

Repasa os primeiros títulos no noso Maratón de Pesadelo en Elm Street.

black lightning

Para que vexades que non só en Hollywood flipan cos efectos dixitais aquí podedes ver o tráiler da superprodución rusa The Black Lighting, producida por Timur Bekmambetov e dirixida polo novel Alexander Voytinskiy.
Aí queda iso, unha mistura dos filmes de Spider-man e Herbie.

A verdade é que non puiden atopar moita información sobre o filme (nin posters, data de estrea, ano de produción, actores, título orixinal, etc.), só o tráiler da ligazón e un par de mostras de arte conceptual.

Vía: Melhores do Mundo

Mergullandome na rede en busca de máis información atopeime con este fan film que ten como protagonista a un dos primeiros supeheroes negros da DC, Black Lightning. E que podedes ver completo na IMDB.

REC 2

Chega REC 2

avatar

A audiencia de CINEMA FRIKI falou e o seu veredicto non dexa lugar á dúbida: son unha manda de descreidos que xa non respectan ó mesmísimo James Cameron. Mentras a uns o visionado deixounos bastante indiferentes a outros pareceulles cousa de videoxogo (e dos normaliños).

Xa sabedes que podedes seguir opinando nos comentarios.

Seguiremos informando (inda que agora xa ninguén se acorda disto de Avatar)

 

About Author

Lorem ipsum dolor sit amet, consectetuer adipiscing elit. Vestibulum at arcu. Integer et risus. Morbi id tellus. Integer felis. Mauris malesuada, turpis vitae facilisis euismod, dui arcu adipiscing sem, eu vulputate leo ante in lacus. Sed porta accumsan lectus. Aenean ac sem. In consequat tempus velit. Phasellus leo enim, adipiscing a, egestas nec, pretium ut, pede. Mauris sollicitudin diam et mauris. Sed quis enim vel augue egestas lobortis. Etiam tempus ipsum vel neque.