"Só leo este blogue para saber o que non teño que ver", Martin Pawley (días estranhos)

Archives for Rumores category

Por favor, por favor, por favor, por favor, que isto soamente sexa un deses rumores que logo compiten na sección de «Peor Rumor» dos Premios de CinemaFriki, por favor, por favor, por favor, por favor, …

O cantante canadiense Justin Bieber formará parte do elenco do filme de ‘Marvel Comics’ da terceira entrega da saga deIron Man 3.

Na película o artista daralle vida a ‘Tony Stark’ na súa adolescencia. A súa aparición será en tres secuencias onde mostrarase a vida de mozo do creador de armas máis famoso do mundo.

Ademáis, os productores da película están pensando incluir un tema de Bieber na historia. A estrea de Iron Man 3 está programado para o 2013.

Vía: Películasy Cines.com

Primeiro saltou a noticia de Dexter e a falta de acordo entre Michael C. Hall e a Showtime. Agora é a emblemática serie The Simpsons a que está en perigo. O desacordo entre os actores e a cadea Fox sobre os recortes salariais pode provocar o fin da serie de debuxos animados. Os recortes da productora enfureceron aos actores, que viron recortado nun 45% o seu salario. A pesares deste recorte, os actores amosáronse dispostos a negociar aceptando unha rebaixa do 30%, oferta que a cadea non aceptou.

En Cinemafriki queremos saber que pensades sobre isto. Deberían ter rematado The Simpsons hai anos? Credes que a crise económica xoga aquí un papel importante ou que é só ego dos actores o que provoca casos coma este ou o de Michael C. Hall?

Vía: cadenaser.com

Agora que xa sabemos que non vai haber cambios no actor que interpreta a James Bond o ruxe-ruxe é arredor das súas compañeiras femininas e dos viláns.

A primeira en candidatarse é a actriz e modelo Berenice Marlohe e Javier Bardem e Ralph Finnes xa están confirmados, inda que sen papel anunciado.

O filme número 23 da saga James Bond (o cuarto protagonizado por Daniel Craig) estará dirixido por Sam Mendes e estrearase o 9 de novembro nos EUA.

Vía: Uruloki.org

Nun pequeno vídeo grabado na Disney D23 Expo, o actor Bruce Boxleitner confirmou os rumores sobre unha terceira parte da saga.

Nas declaracións feitas hai unhas semanas, Bruce Boxleitner anunciou que TRON 3 xa era oficial. Ademais de confirmar os rumores, o actor dixo que a rodaxe comezaría aproximadamente no 2012 para estrear en 2013. Estas declaracións corroboran as feitas por Joseph Kosinski hai uns meses nas que expresaba o seu desexo de retomar a saga.

O director estadounidense, postúlase tamén coma a aposta máis segura para seguir a cargo da dirección despois de que os beneficios de TRON: Legacy duplicarán o presuposto inicial. Os rumores apuntan tamén un compromiso por parte dos protagonistas (Jeff Bridges, Olivia Wilde e Garett Hedlund) de permanecer na próxima secuela.

Vía: filmonic.com

(… e agora nós tamén)

Cada pouco tempo temos unha nova candidata a interpretar a Wonder Woman (2013?) no incerto proxecto e desta volta tócalle o turno á exuberante Christina Hendricks.

Máis apostas?

Despois de interpretar a persoal Alicia de Alicia en el país de las maravillas (2010) de Tim Burton o nome de Anne Hathaway soa como posíbel protagonista dun deses proxectos dos que se fala dende tempos inmemoriais, como é o do remake de Barbarella (que incluso Robert Rodríguez abandonou).

A verdade é que calquera excusa é boa para pór no blogue fotos de rapazas gostosas, mais non creo que a Hathaway teña o tirón necesario para facer semellante papel.

Novas relacionadas: Jane Fonda e as súas desinhibidas aventuras, Remake de Barbarella, Diora Baird. A perfeita Barbarella [NMNT]

Nathan Fillion podería ser o Dr. Henry Pym


E Eva Longoria a súa muller Janet Van Dyne

Inda son rumores e os dous aparecerían en The Avengers de Joss Whedon como científicos de S.H.I.E.L.D, non como superheroes con poderes.

O único que hai fixo de momento é que a Longoria foi vista (buscade por aí as fotos) cuns libros de banda deseñada de The Avengers.

Ímonos inchar de ler rumores deste filme que se estrea en 2012.

Os rumores arredor dun posíbel filme do Dr. Strange non deixan de sair, inda que non deixan de ser rumores. Sexa como sexa a carreira por coñecer quen será o actor que interprete ó máxico superheroe xa comezou. O primeiro nome que soa é o de Patrick Dempsey, que polo menos xa ten «aprendido» o traballo de cirurxán.

Inspirado por este rumor o debuxante e entintador Arne Starr fixo o debuxo que vedes ilustrando esta entrada (tamén fixo un de Jon Hamm coma Green Lantern e outro de Kevin McKidd como Thor).

Novas relacionadas: Podería haber filmes de Dr. Extraño, Ka-Zar, Luke Cage, Dazzler ou Power Pack e Dr. Strange xa ten guionistas.

>

Dende que en 1996 Dark Horse publicara a banda deseñada escrita por Mark Hamill (si, si! o Luke Skywalker da Guerra das Galaxias) e Eric Jonhson e ilustrada por H. M. Baker, The Black Pearl, o loiro sempre tivo na cabeza levar a súa obra á gran pantalla.

Os cincos números deste título contan as aventuras dun home, Luther Drake, que se ve obrigado polas circunstancias e os medios a exercer de heroe. Disque máis que unha historia de superheroes é unha historia sobre o sensacionalismo nos medios de comunicación actuais.

Pois semella que agora as posibilidades están máis altas que nunca, ca Paramount polo medio e que incluso o propio Hamill podería ser o director.

view master

Isto xa é de tolos! Non vai quedar ninguén sen o seu filme! Agora tócalle o turno a este popular obxecto que fixo a delicias dos máis pequenos durante horas e horas sentados no sofá ou en calquera sitio.

O responsábel desta tolemia é Bob Kane, produtor de Fringe (idem, 2008). Para rematar a xogada di que será un filme no estilo de Los Goonies (The Goonies, 1985) e El secreto de la pirámide (Young Sherlock Holmes, 1985).

Tamén andan polo medio os guionistas de Transformers Alex Kurtzman e Roberto Orci.

Parece que inda non podemos dicir iso de «xa o vin todo».

Vía: Cinema Blend

jessica biel

Pois aí está o rumor, que a espectacular Jessica Biel podería estar na nova versión de Thor.

O que xa está fixo é que o director será Kenneth Branagh, Thor será Chris Hemsworth, Tom Hiddleston será Loki e Brian Blessed Odín.

O outro rumor é que o ubicuo Samuel L. Jackson podería aparacer como Nick Furia, ligando o filme con Iron Man (idem, 2008) e preparando o camiño para un futuro filme dos Vingadores.

Vía: Cinema Blend

Volve Futurama!

futurama

Disque a canle Comedy Central pediu facer unha nova tempada de 13 capítulos e que xa comezaron coa produción e o cásting, inda que de momento non hai nada anunciado oficialmente.

De confirmarse o rumor sería unha grande nova ca que agardamos quitarnos o mal sabor de boca que nos deixaron os mediocres filmes que sairon despois da cancelación da serie directos a DVD.

Vía Collider

Megan Fox coma Hulka

Mega Fox

Que van facer un filme de Hulka? Protagonizado por Megan Fox? Mulleres supermusculadas rollo Gladiadores Americanos? Non é que nos chiste moito, mais inda non puxeramos ningunha foto doutra das nosas musas.

Vía: CinemaBlend

<Tyrannosaurus Rex

Durante unha tempada do ano pasado Rob Zombie sacou varias mostras de arte conceptual da que sería o seu próximo filme, Tyrannosaurus Rex, mais de repente deixóuse de falar do tema e Zombie comezou a traballar en H2 a secuela do seu Halloween. Agora semella que outro estudio llo tirou das mans.

Tyrannosaurus Rex sería un filme de acción de estilo setenteiro sobre un boxeador de pelexas dos baixos fondos.

En Bloody Disgusting tamén dicían que o filme estaría «inspirado» na banda deseñada The Nail, o que parece ser bastante certo.

Vía: ShockTillYouDrop

Cowboy Bebop en imaxe real

Cowboy Bebop foi unha das series de anime máis exitosas de finais do século pasado. Unha parella de cazarecompensas con pasados cheos de segredos e personalidades ben diferentes viaxan entre planetas en busca de diñeiro e ó mesmo tempo buscando as súas respostas. Unha serie de ciencia ficción e aventuras chea de humor e de historias de serie negra, cuns deseños espectaculares e unha ambientación musical de luxo. Tamén houbo un filme de animación titulado Cowboy Bebop. Knockin’ On hHaven’s Door.

O horror chega cando nos enteramos de que a versión en imaxe real é uha vella arela de Keanu Reeves e que a produción comezou fai ben pouco da man do guionista s da serie orxinal Keiko Nobumoto e do produtor da mesma Masahiko Minami. O guión corre a cargo de Peter Craig.

E si, Keanu vai facer do protagonista, un prototipo de heroe canalla, Spike Spiegel. E facendo cálculos e vendo o traballo de Keanu Reeves non visualizo como con esa cara de pau vai poder interpretar a Spike.

Eu maldigo a todos os que nalgún momento dixeron: «Ogalla fixeran un filme de Cowboy Bebop, ou de Dragon Ball, ou de…»!!

Vía:

 

About Author

CINEMA FRIKI é un blogue de novas e de opinión sobre o cinema que máis nos gusta. Aventuras, acción, fantástico, ciencia ficción, terror, medo, ultraviolencia, de chineses, HK, anime, serie B, serie Z, clásicos, series e moito máis teñen sitio neste recuncho da internet que levamos facendo interrumpidamente dende 2005. CINEMA FRIKI fai parte da rede de blogues Vencello.