"Só leo este blogue para saber o que non teño que ver", Martin Pawley (días estranhos)

Trailers e teasersArchives for category

Lobos de Arga é unha comedia de terror, dirixida por Juan Martínez Moreno, que conta a historia de Tomas Mariño (Gorka Otxoa), un escritor que volta ao pobo natal no que é recibido polos veciños con grande hospitalidade. Aínda que ignora que todas estas mostras de afecto non son gratuítas, xa que en realidade os habitantes do lugar pretenden sacrificar ao pobre escritor por pesar sobre a súa familia unha antiga maldición, materializada en forma dun lobishome que leva séculos aterrorizando ao pobo.

A película conta con grande presencia galega no reparto: Luís Zahera, Mabel Rivera Manuel Manquiña foron tres dos actores escollidos polo director. Tamén nas localizacións da rodaxe falouse galego, xa que tiveron lugar entre Noia e Silleda antes de trasladarse a Madrid. Cun presuposto de cinco millóns de euros, esta produción de comedia-terror estrearase no Festival de Sitges.

Vía: lashorasperdidas.com

Novas relacionadas: Lobos de Arga. Rodando en Santiago de Compostela e Remata a rodaxe de Lobos de Arga

Vede o tráiler e xa me diredes se estades de acordo comigo:
[kml_flashembed movie="http://www.youtube.com/v/tovYHnuXWso" width="500" height="412" wmode="transparent" /]

Co espírito de The Exorcist (El exorcista, William Friedkin, 1973) e Poltergeist (ídem, Tobe Hooper, 1982) presente e cun estilo que recorda a filmes moito máis recentes como The Last Exorcism (El último exorcismo, Daniel Stamm, 2010) ou Home Movie (Christopher Denham, 2008) a terceira entrega de Paranormal Activity conta a modo de secuela a orixe dos eventos dos dous anteriores filmes.

Cámaras de vídeo, baixo orzamento e moitos sustos é o que promete Paranormal Activity 3 (Henry Joost e Ariel Schulman, 2011). A estrea nos EUA será o 21 de outubro de 2011.

Vía: Uruloki.org


Xa temos aquí o primeiro tráiler completo de The Human Centipede 2 (Full Sequence) (Tom Six, 2011) e… mellor que xulguedes por vós mesmos (NMNT):

100% medicamente inexacto.

Vía: Uruloki.org


O mestre do terror e do fantástico máis alucinado, John Coscarelli, volve sorprendernos cun filme totalmente delirante. John Dies at the End (2012) é unha adaptación da novela homónima de David Wong e que conta como unha nova drogra, a “salsa de soia”, fai que a xente viaxe a través do tempo e as dimensións. Pero cando a xente volve en si xa non son os mesmos. Comeza así unha invasión invisíbel e os únicos que a poden deter son John e David, dous universitarios que non poden nin manter os seus traballos. O panorama non semella moi esperanzador.

Dádelle un ollo ao tráiler:
[kml_flashembed movie="http://www.youtube.com/v/my9Pr-W92SM" width="500" height="412" wmode="transparent" /]
Cun elenco cheo de caras coñecidas (Paul Giamatti, Clancy Brown, Doug Jones, Glynn Turman ou Angus Scrimm) a cousa pinta bizarramente ben.

2012 é a fin.

Vía: Uruloki.org

Quedan pouco máis de dúas semanas para a estrea da segunda tempada de The Walking Dead (ídem, Frank Darabont, 2010 – ?) e xa estamos vendo que, como mínimo, o primeiro o imos ver.

A primeira tempada tivo un moi bo comezo, inda que despois foise desinflando e se a iso lle sumamos todos os problemas de produción e cos guionistas que tiveron este verán… pois só nos queda confiar nos zombis e en que intenten ser o máis fieis posíbel á banda deseñada orixinal.

Aquí unha promo para ir abrindo boca:
[kml_flashembed movie="http://www.youtube.com/v/kl2D-1xwFKI" width="500" height="412" wmode="transparent" /]

Vía: Uruloki.org

Novas relacionadas: Póster da segunda tempada de The Walking Dead. Xa queda menos…


Póster español de The Thing (La Cosa)

Eu, ó igual que Mr. Uruloki, non lle din moita bola a esta especie de precuela de The Thing (La Cosa, 1982), do mestre John Carpenter. Non lle vía moitas trazas de ser interesante e xa estou un pouco máis que farto de remakes innecesarios.

Pero a miña opinión cambiou ó ver este red band tráiler. A atmósfera, os efectos, o deseño dos monstros… Xulgade por vós mesmos:

Como vos quedáchedes?

The Thing (La cosa, 2011) está dirixida por Matthijs van Heijningen Jr. e interpretada por Joel Edgerton, Mary Elizabeth Winstead, Eric Christian Olsen, Adewale Akinnuoye-Agbaje e Ulrich Thomsen. Poderemos vela por aquí a partir do 21 de outubro de 2011.

Vía: Uruloki.org

Os irmáns cataláns Alex e David Pastor presentaron no festival de Toronto o teaser de The Last Days (2012).

Vai ser un dos filmes do 2012. Os irmáns Pastor, AlexDavid, rodarán na primavera Los últimos días. Estes días en Toronto presentaron cuatro minutos que rodaron para presentar o look do filme, coa súa visión dunha Barcelona arrasada por ¿un apocalipsis?

Aquí podedes ver o teaser:

[kml_flashembed movie="http://www.youtube.com/v/F5Yk02pqu24" width="500" height="412" wmode="transparent" /]

Vía: Versión muy original

En [REC] (2007) Jaume Balagueró e Paco Plaza contáronnos como unha estraña infección converte en monstros asasinos ós veciños dun edificio. En [REC]² (2009) os dous directores volveron ao edificio para contar dende varios puntos de vista como a infección segue a expandirse e algo máis sobre a orixe da enfermidade. Agora Balagueró e Plaza sepáranse para presentarnos dous novos filmes da saga. O máis inminente é [REC]³ Génesis (2011), unha precuela dirixida por Paco Plaza onde se nos amosa como nunha voda do máis normal é onde se orixina realmente a infección.

Os noivos e protagonistas do filme son Leticia Dolera e Diego Martín. A estrea o 30 de marzo de 2012.

[kml_flashembed movie="http://www.youtube.com/v/FymIOL9w1NQ" width="500" height="412" wmode="transparent" /]

En 2012 Jaume Balagueró prepara [REC] Apocalipsis, onde supoñemos que a infección desmadrarase e comezará a afectar a toda a poboación.

Novas relacionadas: Pósters de [Rec] Génesis e [Rec] Apocalipsis.

Rebecca Hall protagoniza este filme de misterio ambientado na Inglaterra da Primeira Guerra Mundial na que unha descubridora de enganos sobrenaturais visita un colexio non que din ter rexistrado a presenza da pantasma dun neno. As súas dúbidas iranse convertendo en certidumes a medida que vai descubrindo novas probas.

Acompañan a Rebecca Hall, Dominic West e Imelda Stauton, con Nick Murphy na dirección.

[kml_flashembed movie="http://www.youtube.com/v/Udzuty4XMt8" width="500" height="412" wmode="transparent" /]

Como vos quedou o corpo? A verdade é que están chegando moitas cousas interesantes dende o festival de Toronto. O filme estrearase en salas comerciais do Reino Unido e Irlanda o 11 de novembro de 2011.

Vía: Uruloki.org

Inquedante tráiler de Lovely Molly

Un dos creadores de todo un subxénero con The Blair Witch Project (El proyecto de la bruja de Blair, 1999), Eduardo Sánchez, segue profundizando nas posibilidades das gravacións en formato vídeo caseiro misturado agora con formato cinema convencional nesta Lovely Molly (2011) que conta a historia dunha moza desequilibrada arredor da cal se suceden extraños fenómenos.

Presentada no festival de Toronto estréase o 20 de setembro de 2011 nos EUA.
[kml_flashembed movie="http://www.youtube.com/v/qn9YKaBH5Qk" width="500" height="412" wmode="transparent" /]
Vía: Uruloki.org

Inda que a nós non nos acabara de convencer Buried (2010) tivo unha gran acollida entre crítica e público e por iso o seu director, Rodrigo Cortés, ten agora a oportunidade de traballar con actores da altura de Robert De Niro, Sigourney Weaver, Cillian Murphy ou Toby Jones no seu novo filme, Red Lights (2012).

O filme é un thriller con toques sobrenaturais que conta como dous investigadores de fraudes paranormais, a veterana doutora Margaret Matheson e o seu axudante, o novo Tom Buckley, estudan os máis diversos fenómenos metapsíquicos coa intención de demostra a súa orixe fraudulenta. Simon Silver, lendario psíquico e tal vez o dotado máis célebre de todos os tempos, reaparece despois de trinta anos de enigmática ausencia para convertirse no maior desafío mundial para a a ciencia ortodoxa e os escépticos profesionais. Tom comeza a desenvolver unha densa obsesión por Silver, cuxo magnetismo refórzase dunha forma perigosa con cada nova manifestación de oscuros fenómenos inexplicábeis.

Non importa o que creas saber. Non importa no que creas. A verdade é a ilusión máis perigosa de todas.

[kml_flashembed movie="http://www.youtube.com/v/ye9msexYKi0" width="500" height="412" wmode="transparent" /]

Sen data exacta de estrea o filme sairá ó longo do 2012.

Vía: Uruloki.org

O director de curtas Eduardo Chapero-Jackson estréase na longametraxe con este prometedor filme fantástico e de terror no que Miguel Ángel Silvestre acompaña á debutante Alba García.

O argumento: Sara é unha rapaza de 15 anos cun sexto sentido. Unha moza tímida heroína do século XXI que comeza a intuir que no mundo ten que existir algo máis que o que vén os nosos ollos, algo agochado que comeza a obsesionala. Guiada polo seu instinto, comeza a atopar na súa gris existencia unha serie de inquedantes mensaxes e pistas que a empurran a entrar nunha nova dimensión, perigosa e terrorífica, na que deberá iniciar unha viaxe para salvar a súa vida. No trancurso dester devir pertubador pero cheo de aventuras, Sara atopará un novo reto: o modo de mudar o mundo.

E agora desfrutade do tráiler con interesantes influencias do mundo do street-art:
[kml_flashembed movie="http://www.youtube.com/v/eKU5c1njg68" width="500" height="412" wmode="transparent" /]

Vía: Uruloki.org


Cartaz estadounidense de Extraterrestre

Por fin xa podemos ver as primeiras imaxes en movemento do novo traballo de Nacho Vigalondo, Extraterrestre. Michelle Jenner e Julián Villagrán interpretan a unha parella de descoñecidos que espertan xuntos despois dunha estraña noite e cando están intentando recordar e reconstruir o que sucedeu atópanse no medio dunha invasión alieníxena.

Vigalondo conta tamén coa participación de Carlos Areces, Raúl Cimas e Miguel Noguera e o filme, que inda non ten data de estrea, está presente nos festivais de Toronto e Donosti.

Aquí o tráiler:
[kml_flashembed movie="http://www.youtube.com/v/xnBzImJ3saM" width="500" height="412" wmode="transparent" /]

Aquí os dous teaser póster que xa vimos fai tempo:


1 despiadado señor do crime
20 policías de elite
30 andares de inferno

Acción e violencia desmedida é o que nos ofrece este filme que estará presente no Festival de Sitges deste ano.

Aquí tedes a sinopse: “No corazón dos barrios máis perigosos de Iacarta atópase un edificio seguro e imprenetrábel para os asasinos e gángsters máis perigosos do mundo. Ata agora, o bloque de apartamentos en decadencia foi considerado intocábel para os membros máis afoutos da policía. Agochado baixo o manto da escuridade antes do amencer e o silencio desas horas, un equipo de asalto de elite teñen a tarefa de asaltar o edifico ca fin de rematar cun famoso capo da droga que se agocha no seu último andar. Pero cando un encontro casual cun axudante descubre o seu plan, a nova do asalto policial chega ó señor da droga. As luces do edificio córtanse e bloquéanse todas as saídas. Atrapados no sexto andar sen saída, a unidade deberá abrirse paso a través dos criminais máis terríbeis da cidade para sobrevivir á súa misión.”

Protagonizada por un dos novos e sensacionais dragóns indonesios Iko Uwais é un tour de force que recorda a unha mistura entre a mítica escena de Old Boy (2003) e a francesa La Horde (2009), sen zombis.
Aquí vos queda o red band tráiler con música de Mike Shinoda (Linkin Park):

[kml_flashembed movie="http://www.youtube.com/v/i_ZegKGf97Y" width="500" height="412" wmode="transparent" /]
Vía: Uruloki.org

En The Human Centipede (First Sequence) (Tom Six, 2009) puidemos ver con horror e noxo como un depravado doutor cosía xente (boca, cu, boca, cu) para que compartiran o tracto dixestivo construindo así o cempés humano do título.

Non contento con revolvernos o estómago ata gomitar Tom Six reincide con The Human Centipede 2 (Full Sequence), no que un perturbado obsesiónase co primeiro filme e pretende recrear o nauseabundo experimento.

Para que non queden dúbidas do noxento do asúnto aquí tedes un primeiro teaser tráiler (NMNT):

Vía: Scifiworld

 

About Author

Lorem ipsum dolor sit amet, consectetuer adipiscing elit. Vestibulum at arcu. Integer et risus. Morbi id tellus. Integer felis. Mauris malesuada, turpis vitae facilisis euismod, dui arcu adipiscing sem, eu vulputate leo ante in lacus. Sed porta accumsan lectus. Aenean ac sem. In consequat tempus velit. Phasellus leo enim, adipiscing a, egestas nec, pretium ut, pede. Mauris sollicitudin diam et mauris. Sed quis enim vel augue egestas lobortis. Etiam tempus ipsum vel neque.