"Só leo este blogue para saber o que non teño que ver", Martin Pawley (días estranhos)

Archives for Xeral category

Este pasado sábado 3 de marzo finou o debuxante estadounidense Ralph McQuarrie, un dos deseñadores de personaxes, paisaxes, naves, etc. en Star Wars.

Foi o principal responsable do aspecto de Darth Vader, entre moitos outros. Velaquí algunha das súas ilustracións que recopilaron en elpulpo. Desfrutádeas.


Críticos, cinéfilos, teóricos dos médios e da cultura levam décadas escrevendo sobre as profundas diferenças entre as narrativas ocidentais e orientais. A mediçom dos tempos, os códigos de expressividade e o simbolismo fam que muitas vezes o observador europeu nom perceba completamente a mensagem dumha obra japonesa, e reversa. Assim é necessária umha predisposiçom especial, um conhecimento da cultura japonesa e os seus símbolos, para entender por exemplo as longas pausas e o esquema binário em The Story of the Last Chrysanthemums (Zangiku monogatari, Kenji MIzoguchi 1939). Mas nem toda a interpretaçom simbólica nem a dialéctica das divergências narrativas entre culturas pode explicar os massivos, gigantes, gargantuescos e absolutamente impossíveis desde o ponto de vista anatómico peitos que portam todas e cada umha das protagonistas de High School of the Dead ( H.O.T.D.: Gakuen Mokushiroku, Daisuke Satō e Shōji Satō, 2010-presente) e que distrai de jeito inevitável dumha trama e duns personagens surpreendentemente interessantes para umha produçom shônen ecchi (publicaçons dirigidas a varons japoneses com um toque «erótico» desde o ponto de vista europeu, mas sem sexo explícito).

Se algo marca o aspecto visual de H.O.T.D. é o contraste entre o fanservice e o detalhado do gore.

Entendam o quero dizer tanto o manga como o anime apresenta-nos um cenário de brote zombie clássico que pronto evolui até níveis de Apocalipse mundial, e conta-nos a história dum grupo de estudantes de instituto japonês que se vem obrigados a sobreviver nas piores circunstâncias. O grupo é composto seguindo todas as normas da literatura shônen: Um lider relutante namorado desde a infância da coprotagonista, umha Yamato Nadeshiko experta na luta com katana, umha gênio intelectual caprichosa, um otaku das armas gordinho mas desenvolto, umha enfermeira adulta infantilizada e umha nena pequena com cadelinho. Pareceria que com esses alicerces típicos nom se pode construir umha grande narrativa, mas a oportunidade de revulsom e decontruçom que oferece o cenário zombie permite a Daisuke Satō -especialista todo seja dito em mangas sobre historias alternativas, recomendar especialmente Seito sobre um Japom dividido políticamente como as Coreias- desenhar personagens mais profundos que evoluem muito mais do aguardado. Evidentemente temos que aceitar as conveniências dumha história na que todos os protagonistas resultam ter cerca capacidade marcial -algumhas especialmente espectaculares- que lhes permite actuar com maior efectividade e taxa de supervivência que alguns comandos militares.

Muitas cenas som puro gorn e nem as»pantyshots» som sagradas para os zombies

Outra característica da H.O.T.D. é o intento de ter presente todo o feito até o momento com a temática. A enorme quantidade de homenagens a títulos do género deixa claro que os irmaos Satō som conhecedores do tema. Por citar só algumhas temos a apariçom de Shaun de Zombie Party (Shaun of the Dead. Edgar Wright 2004) tam apirolado coma sempre, as cabeças de famosos de El amanecer de los muertos (Dawn of Dead, George A. Romero 1979)alguns acordes musicais de 28DaysLater no primeiro capítulo anime, ou que grupo fique dividido em certa altura dum jeito exactamente igual que umha afamada cena do vídeojogo Resident Evil 2, berros de Double tap! por parte do otaku das armas que evidentemente viu Zombieland (idem, Ruben Feischer 2009), ou o obrigado capítulo num centro comercial voltando outra vez a Dawn of the Dead. Mas também sobressai em que por umha vez os protagonistas som conscientes de que estam no médio dumha apocalipse zombie, e param a pensar os seus movimentos, analisar os seus falhos e desenhar -em voz alta- estratégias inteligentes para sobreviverem. Todos estes bons complementam-se com umha mensagem de rebeldia fronte aos tabus da sociedade japonesa, com umhas personagens que reflexionam sobre como a fim da civilizaçom obrigou-nos a rachar com muitos convencionalismos da sua cultura. E nalguns casos levou-nos a abraçar os seus lados mais escuros.

O fanservice é duro, e vai por toneladas métricas de carne.

É por todos esses bons traços polos que o tema das enormes tetas racha com a experiência. Pola rede podedes topar a história de que o desenhador Shōji Satō trabalhava em produçons hentai e que os velhos vícios nunca se perdem. Também que os altos níveis de ecchi som a condiçom que muitos estudos obrigam aos criadores para financiarem apostas narrativas arriscadas -e os altos níveis de gore e introspeçom fam de HighSchool of the Dead umha peça difícil de vender massivamente-. Porem o absurdo da anatomia e o contrate entre as cenas violentas ou psicológicas coas posturas exageradas, anatomias extraterrestres -nom minto se digo que a protagonista mais talhada pode literalmente ficar comodamente dormida sobre os seus peitos- capítulos de «banho» e demais parafernalia do subgénero é mui chocante. Mina muito o realismo dumha série onde som analisados os pros e contras de todas e cada umha das armas atopadas e das estratégias desenvolvidas, que as protagonistas nunca levem nada mais cómodo que umhas médias de reixa com ligueiro, saia de tubo rachada e camisola de uniforme três talhas mais pequenas. O epitome desta dicotomia estética chega com um capítulo gratuíto O.V.A. que sem zombies de por médio -e sem nenhumha explicaçom real- situa os personagens numha ilha com praia para que se luzam em traje de banho e tenham tórridas cenas eróticas provocadas por umha oportuna intoxicaçom. Acho que a definiçom desta «física fantástica das tetas» pode-se resumir na afamada cena de «o rifle e as tetas» que podedes atopar aquí e que nom contem spoilers.

Se um esquece as anatomias impossíveis o estilo visual de H.O.T.D. é precioso e detalhista

Em resumo: com um nível de história alto e um gore mais que respeitável -que se suaviza um pouco nos capítulos intermédios onde os elementos ecchi ganham terreno até níveis um pouco molestos- Highschool of the Dead merece a pena como anime -e polo que puidem ler como série de manga- para os amantes do género.  Os níveis de violência, profundidade de história e personagens e cuidado no aspecto gráfico som altíssimos. A produçom animada rematou a sua primeira temporada há uns meses, e há promessas para umha segunda que segue bastante fielmente a história original. Fica nas suas maos decidirem se o apartado gráfico e as concessons eróticas ultrapassam o seu aguante.

Fer

George A. Romero

Sacred Peak

Os nosos amigos de Sentinel Wardrobe desvelaron o 25 de Setembro o evento que van realizar no 2012 e que esperábamos todos con ansiedade. Despois de toda esa espera naceu SACRED PEAK.

O evento levaranos a esa fantasía medieval de maxia, aventuras, heroes e bruxería que todos desfrutamos de pequenos. Películas como Conan O Bárbaro, Dentro do Labirinto, O Señor das Bestas, Krull, Masters do Universo, Cristal Escuro, Willow, Lady Falcón, Red Sonja, … verémolas polas rúas de Santiago de Compostela que se encheran de orcos, elfos, dragóns, bruxas, magos, espadachíns, unicornios e demáis. E non hai que esquecer o filme co que comezou a idea e que vai ser o centro do evento: A Princesa Prometida.

Coa lenda do dragón que vive debaixo do Pico Sacro de fondo intentarase restablecer o equilibrio entre o ben e o mal, a luz e a oscuridade, controlando a furia do dragón xa esquecido que reclama o seu tributo. Alí é onde morreu o pai de Iñigo Montoya, Domingo Montoya, asasinado polo conde de seis dedos, e librarase un duelo onde soamente pode quedar un…

Para iso hai que escoller un paladín que loite co conde e traia a paz e a xustiza a Santiago. Para iso comezaron co concurso «The Best Iñigo Montoya». Quen queira participar ten que subir a Internet (a través de Youtube, Vimeo, etc) un vídeo teu dicindo a inmortal frase de Inigo Montoya:

«Ola. Chámome Iñigo Montoya. Ti mataches o meu pai. Prepárate a morrer«.

Logo hai que publicar o link na web http://thebestinigomontoya.com/ Queren que, pouco a pouco, encher con vídeos con esa frase e chegarlle entre todos ó corazón de Mandy Patinkin.

[kml_flashembed movie="http://www.youtube.com/v/Ha6c7lnjgSw" width="520" height="294" wmode="transparent" /]

El Correo Gallego, Disquecool ou Galicia Confidencial xa deixaron un oco nas súas novas ó día seguinte do anuncio. Aquí tedes unha playlist para que os vaiades metendo no papel.

Seguro que vai a ser outro éxito. Xa estamos ansiosos de que chegue. Ide pensando nas vosas caracterizacións favoritas!!!

Graciñas de corazón, Sentinel Wardrobe, por facernos soñar de novo!

Stephen King traballa na secuela de The Shining

O escritor de Maine ven de confirmar a súa intención de sacar unha secuela do libro The Shining cuxo título será Dr. Sleep. A trama da historia é a seguinte: Danny Torrence, o pequeno rapaz de The Shining, está sendo criado nun hospicio onde «usa os seus poderes para axudar a pacientes enfermos a morrer sen dor. Desafortunadamente, atópase no seu camiño cunha banda de vampiros errantes que se alimentan da enerxía da xente».

Esta foi a cara que lle quedou a Danny ao ler a trama de Dr. Sleep.

Polo que podemos ver, as conexións con The Shining son mínimas, por non dicir nulas. Semella que Stephen King únese á tendencia de sacar secuelas innecesarias, algo moi de moda no mundo do cine actualmente.

Vía: fearnet.com

Teaser da Segunda Tempada de Xogo de Tronos

Este segundo teaser (que aínda non revela nada) serve para lembranos que na primaveira de 2012 volta Xogo de Tronos ca súa segunda tempada, con novas personaxes e coa loita dos catro reises polo trono de ferro. Pola frase que escoitamos neste teaser “The Night Is Dark And Full Of Terrors”  (A noite é escura e está chea de terrores), adeviñamos que o vindeiro ano coñeceremos máis a fondo o que acontece máis aló do muro, namentres só nos queda agardar con paciencia.

Xogo de Tronos Teaser Segunda tempada…

Dark Shadows. Tim Burton atrévese cos vampiros.

Bueno, e non só iso porque Dark Shadows xa foi nos anos sesenta unha serie da ABC que mesturaba vampiros, meigas, pantasmas e todo tipo de criaturas.

O reparto da serie da ABC

O reparto foi presentado esta semana. Conta, por suposto, cos habituais de Burton: Jhonny Depp será Barnabás Collins, un vampiro de 200 anos; e Helena Bonham Carter,  a Doutora Julia Hoffman, unha psiquiatra que se asenta na casa da inquedante familia Collins.

Ademais, Michelle Pfeiffer tamén participa neste, elenco completado por Eva Green, Jackie Earle Haley, Jonny Lee Miller, Bella Heathcote, Chloe Moretz e Gulliver McGrath.

Imaxe do novo reparto publicada no Entertainment Weekly

Outra adaptación a cargo de Burton nun xénero que sen dúbida domina. Pero haberá que esperar ata o 11 de Maio.

Acto de primavera. Defensa dos festivais de cinema

Reproducimos aquí un escrito que subscribimos por completo e no que desde o blogue Acto de primavera fan unha defensa dos festivais de cinema.

Defensa dos festivais de cinema

Os festivais de cinema son eventos fundamentais para o desenvolvemento e coñecemento das prácticas cinematográficas. Representan un punto de encontro entre películas, cineastas, público e crítica e convértense en plataformas para sacar á luz os debates máis actuais, as propostas máis arriscadas e iconoclastas, os creadores máis insubornábeis. Os festivais son útiles en canto funcionan coma pezas esenciais nun circuíto de distribución e exhibición alternativo ás esixencias comerciais máis totalizadoras.

Todos somos conscientes do difícil contexto que estamos a vivir. A crise económica parece minar o resto dos valores da nosa sociedade e os recortes están a condicionar unha morea de proxectos en favor dun suposto equilibrio orzamentario. A falta de recursos está a afectar directamente ao sector cultural, ámbito no que se aplican sistemáticas políticas de derrubo que cortan dunha maneira drástica proxectos cuxa xestación requiriu moitos anos.

Nos últimos tempos vemos como a actividade cinematográfica está máis sacudida que nunca pola incerteza, e probablemente os que máis o sofren sexan os festivais de cinema. Foron moitas as alarmas que saltaron en todo tipo de festivais, dos máis veteranos aos máis novos, até que finalmente os malos agoiros se fixeron realidade coa ameaza de suspensión do Punto de Vista de Pamplona, un dos de maior prestixio no campo do cinema de non-ficción a escala mundial.

Con esta carta de defensa dos certames cinematográficos queremos lembrar o seu carácter de baluartes culturais imprescindíbeis, e por iso pedimos aos responsábeis dos distintos gobernos que non executen políticas agresivas nin tomen decisións irreversíbeis e que procuren atopar, en colaboración cos equipos dos distintos festivais, fórmulas axustadas a estes tempos de carencia que exclúan a súa total desaparición.

Galicia, 22 de setembro de 2011

Xurxo González, Martin Pawley e José Manuel Sande

The Tree of Life, a película que está levando o nome de Terrence Malick ás máis altas cotas, non deixa de estar rodeada de polémica. Despois de que, hai unhas semanas, Sean Penn descargara a súa ira contra o director por recortar as secuencias nas que aparecía; esta semana, un cine de Cornellà (Barcelona) comezou a repartir este papel entre os asistentes ao pase do filme:

O cine, en previsión de que a maioría dos asistentes ao público non ían concordar coa crítica dos expertos en cine, tomou a iniciativa de cambiar as entradas dos espectadores descontentos por pases para outras películas. De este xeito, os asistentes á sesión que realmente queiran gozar da película poderano facer sen ter que aturar aos espectadores descontentos. Esta medida, que en principio pode parecer pouco amigable por parte do cine, non é algo novidoso. En Estados Unidos, moitos cines advertiron do carácter «peculiar» da película mediante carteis nos exteriores do edificio.

É acertada esta decisión por parte do propietario do cine? Deberíase extender esta medida a todas as películas? En CinemaFriki queremos saber a túa opinión.

Co gallo do lanzamento da edición en BluRay da Guerra das galaxias, a Tropa Korriban – Star Wars Galicia fixo acto de presencia na tenda de CDECINE sita na Rúa Rosalía de Castro, 101 (Santiago de Compostela).

As tropas imperiais foron solicitadas para que a entrega do material multimedia se levase sen problemas e sen interferencias das forzas rebeldes que estaban pola zona. Foi enviado un destacamento formado por dous stormtrooeprs comandados por un oficial e un mercenario rodiano. Tras interceptar un cargueiro rebelde, conseguiron recuperar algunhas das copias robadas e levalas o seu destino.

De tódalas formas, varias horas despois a Súa Maxestade Imperial enviou a un dos seus Gardas Imperiais para restablecer a paz entre o numeroso grupo de persoas que se congregaron. Outra misión que rematou en éxito.

Longa vida ó imperio!

Intermedio musical

Levamos unha tempada sen publicar nada e imos estar así un tempo indeterminado máis. Pero para que non vos esquenzades de nós deixámos esta descuberta aleatoria que fixemos recentemente en YouTube e que nos fai rir todos os días.

Non somos moi amigos de pór vídeos no blogue, pero a ocasión ben o merece.

Conan, The Barbarian. The Musical
[kml_flashembed movie="http://www.youtube.com/v/OBGOQ7SsJrw" width="425" height="350" wmode="transparent" /]
Terminator 2. The Opera
[kml_flashembed movie="http://www.youtube.com/v/Z6_awUgbUJs" width="425" height="350" wmode="transparent" /]
Commando. The Musical
[kml_flashembed movie="http://www.youtube.com/v/8FFQ_g8OoQM" width="425" height="350" wmode="transparent" /]
Robocop. The Musical
[kml_flashembed movie="http://www.youtube.com/v/d0yuaUCKFII" width="425" height="350" wmode="transparent" /]
Rambo. The Musical
[kml_flashembed movie="http://www.youtube.com/v/KzEPKGT-ZYU" width="425" height="350" wmode="transparent" /]
Predator. The Musical
[kml_flashembed movie="http://www.youtube.com/v/qlicWUDf5MM" width="425" height="350" wmode="transparent" /]
Total Recall. The Musical
[kml_flashembed movie="http://www.youtube.com/v/ej3Szj6WcCY" width="425" height="350" wmode="transparent" /]

Jon e Al Kaplan son dous irmáns metidos no mundo do musical e que realizan estas xeniais parodias con algúns dos nosos filmes favoritos (na súa canle de YouTube podedes ver algunha cousa máis). Un dos primeiros que fixeron foi The Silence of the Lambs. The Musical en versión Lego e semella que agora a van levar ó escenario, en Off Broadway.

[kml_flashembed movie="http://www.youtube.com/v/iPnQ77a1UVk" width="425" height="350" wmode="transparent" /]

Hoxe estréase en salas comerciais Crebinsky. Ídela perder?

Despois de percorrer de forma máis que existosa pases privados e festivais de medio mundo Crebinsky (2011, Enrique Otero) chega ás salas comerciais, o seu obxectivo final.

O filme, interpretado por Miguel de Lira e Sergio Zearreta e que conta ca participación de Luis Tosar, Celso Bugallo ou Patricia de Lorenzo, entre outros, é a versión longametraxe da curta Os Crebinsky de 2002, unha historia surrealista, balcánica, con crebas, nazis e submariños. Mellor vede o tráiler para facervos unha idea.

Aquí tedes a lista de cines onde se poderá ver o filme. Buscade polo que vos quede máis preto e non a perdades:

En Galiza:
A Coruña: Filmax El Puerto Centro de Ocio
Santiago de Compostela: Cines Compostela
Narón: Cinebox
Lugo: Multicines Centro
Vigo: Plaza Elíptica
Vilagarcía de Arousa: Multicines Gran Arousa
Ourense: Auditorio Municipal (Sala Azul). Exhibirase o venres 8, sábado 9 e domingo ás 20:45 h.

Fóra de Galiza:
Madrid: Pequeño Cinestudio
Barcelona: Cinemes Girona
Girona: Cinemes Albéniz
Málaga: Cine Albéniz
Alacante: Cinemax Petrer
Valencia.

Remata a rodaxe de Lobos de Arga

Hoxe mesmo rematou a rodaxe de Lobos de Arga (2011, Juan Martínez Moreno), o filme de terror e acción con toques de comedia que discurre e foi gravado, en parte, en Galiza.

Agora comeza a post-producción para poder estreala o vindeiro outono, como está previsto.

Novas relacionadas: Lobos de Arga. Rodando en Santiago de Compostela.

Inda que este tráiler de X-Men: First Class (2011, Matthew Vaughn) está en ruso amósanos bastante ben o que vai ser o novo filme da franquía. Vendo as primeiras imaxes que sairon semellaba que a cousa ía quedar nun cutre tele-filme visto o visto polo menos podemos afirmar que vai estar ó nivel da triloxía.

Novas relacionadas: Michael Fassbender será MagnetoArgumento de X-Men First Class Argumento de X-Men: First Class, Novos pósters de X-Men: First Class, a cousa máis fea vista nos últimos tempos e Imaxe de Havok, sobriño de Cíclope, en X-Men: First Class.

Un teaser tráiler moi teaser de Conan: The Barbarian 3D

Aquí podedes ver un primeiro teaser de Conan: The Barbarian 3D que amosa ben pouco. Haberá que seguir agardando para ver algo de entidade deste filme sobre o que hai moitas dúbidas.

Novas relacionadas: Primeira foto do novo Conan, Sorprendente novo póster de Conan: The Barbarian 3D e O póster de Conan: The Barbarian 3D, sen música e en tamaño xigante.

Tráiler de Kick-Ass

kick ass

E aquí tedes o tráiler de Kick-Ass, que se estreará nos EUA o 16 de abril de 2010.

Novas relacionadas: Imaxes de Kick-Ass.

 

About Author

CINEMA FRIKI é un blogue de novas e de opinión sobre o cinema que máis nos gusta. Aventuras, acción, fantástico, ciencia ficción, terror, medo, ultraviolencia, de chineses, HK, anime, serie B, serie Z, clásicos, series e moito máis teñen sitio neste recuncho da internet que levamos facendo interrumpidamente dende 2005. CINEMA FRIKI fai parte da rede de blogues Vencello.